'या' सरकारी बँकेकडून खातेधारकांना मोठं गिफ्ट

मुंबई : एका सरकारी बँकेने (Governmemnt Bank) मोठे पाऊल उचललं आहे. या बँकेने एफडीवरील व्याज दर वाढवलं ​​आहे.याचा थेट फायदा हा त्या बँकेत एफडीत गुंतवणूक केलल्यांना होणार आहे. कॅनरा बँकेने 2 कोटी रुपयांपेक्षा कमी एफडीवरील व्याजदरात वाढ केली आहे. बँकेच्या अधिकृत वेबसाइटनुसार, नवीन दर 7 ऑक्टोबर 2022 पासून लागू होणार आहेत. व्याजदरात वाढ केल्याने ग्राहकांना अतिरिक्त पैसेही मिळतील. (public sector canara Bank hikes interest rate on fixed deposits know details) 

एकूण किती टक्के वाढ? 

बँकेने 7 दिवसांत मॅच्युअर होणाऱ्या FD वरील व्याजदर 35 बीपीएस (BPS) अंकांनी वाढला आहे.  त्यामुळे व्याज दर  2.90% वरून वरून 3.25% इतके टक्के झाला आहे. तसेच  46-90 दिवसात परिपक्व होणाऱ्या एफडीवर 25 बीपीएसने वाढ करण्यात आली आहे. त्यामुळे  ने 4% वरून 4.25% ने वाढ केली आहे. याशिवाय 91-179 दिवसांत परिपक्व होणाऱ्या एफडीवर आता 4.50% दराने व्याज मिळेल, पूर्वी ते 4.05% होते. यात 45 बेसिस पॉइंट्सची वाढ करण्यात आली आहे. शिवाय 180 दिवस ते 269 दिवसांत परिपक्व होणाऱ्या एफडीवर 5.90% व्याज मिळेल. पूर्वी तो 4.65% होता. यामध्ये 125 बेसिस पॉइंट्सची वाढ करण्यात आली आहे.

आणखी कशात वाढ? 

याशिवाय कॅनरा बँकेने 270 दिवसांपासून एक वर्षापेक्षा कमी मुदतीच्या FD वर 135 बेस पॉइंट्सने (bps) वाढ केली आहे. त्यामुळे हा व्याजदर 4.65% वरून 6 टक्के झाला आहे. बँकेने 1 वर्ष ते 2 वर्षांच्या मुदतीच्या FD वरील व्याजदर 5.50% वरून 6.50% पर्यंत वाढवला आहे. त्यात 100 बेसिस पॉइंट्सने वाढ करण्यात आली आहे. शिवाय 1 वर्ष किंवा त्याहून अधिक मुदतीच्या पण 2 वर्षांपेक्षा कमी मुदतीच्या FD वरील व्याजदर 5.55% वरून 6.50% करण्यात आला आहे. यामध्ये 95 bps ने वाढ केली आहे.

दीर्घकालीन एफडी

666 दिवसांत मॅच्युअर होणाऱ्या एफडीवरील व्याजदर 6% वरून 7.00% झाला आहे. 2 वर्ष किंवा त्याहून अधिक मुदतीच्या पण 3 वर्षांपेक्षा कमी मुदतीच्या FD वरील व्याजदर 5.60% वरून 6.50% पर्यंत वाढला असताना त्यात 100 आधार अंकांची वाढ करण्यात आली आहे. त्यात 90 बेसिस पॉइंट्सची वाढ करण्यात आली आहे.

FD वर व्याज

कॅनरा बँकेने 3 वर्षात आणि त्याहून अधिक मुदतीच्या FD वरील व्याजदर 5.75% वरून 6.50% पर्यंत वाढवला आहे. त्यात 75 bps ने वाढ करण्यात आली आहे आणि 5 वर्षात आणि त्याहून अधिक मुदतीच्या FD वरील व्याजदर 5.75% वरून 7.00 पर्यंत वाढवण्यात आला आहे. त्यात 125 bps ने वाढ झाली आहे.