निवृत्त बँक मॅनेजरलाही असा ऑनलाईन गंडा, लुटण्याची ही नवी पद्धत पाहा

मुंबई : एका निवृत्त बँक व्यवस्थापकाचीच सायबर गुन्हेगारांनी फसवणूक केली आहे. त्याला बँकेची संपूर्ण माहिती असून देखील त्यांच्यासोबत हा प्रकार घडल्याने पोलिस देखील चकित झाले आहेत. परंतु या सायबर गुन्हेगारांनी एक एक वेगळाच मार्ग वापरला ज्यामुळे या निवृत्त बँक व्यवस्थापकाला याचा थांगपत्ता लागला नाही. या ठग्यांनी 3 लाख रुपयांचा गंडा घातला.

या 64 वर्षीय व्यक्तीने 24 ऑक्टोबर रोजी डोंबिवली पोलिसात एफआयआर दाखल केला. ही घटना त्याच दिवशी दुपारी घडली होती.

अशी झाली फसवणूक

त्या व्यक्तीला त्याच्या मोबाइल नेटवर्क सेवा कंपनीने पाठवलेला एसएमएस प्राप्त झाला होता. मेसेजमध्ये असे म्हटले होते की त्याचे सिम ब्लॉक केले जात आहे कारण त्याने तुमच्या ग्राहकाला जाणून घ्या म्हणजेच त्यांचे (केवायसी) तपशील अपडेट केले नव्हते.

अॅप्लिकेशन इन्स्टॉल केल्यानंतर, फसवणूक करणाऱ्याने त्याला त्याचे बँक तपशील त्यात टाकण्यासाठी सांगितले आणि नेट बँकिंगद्वारे प्रक्रिया शुल्क म्हणून 10 रुपये भरण्यास सांगितले.

या व्यक्तीने सूचनांचे पालन केले आणि नेट बँकिंगद्वारे पेमेंट केले, परंतु फसवणूक करणार्‍याने त्याचे बँक तपशील पाहिले आणि ओटीपी तयार करण्यासाठी स्क्रिन रेकॉर्डिंगचा अवलंब केला. याची जाणीव तक्रारदाराला नव्हती.

फसवणूक करणारा एसएमएसद्वारे प्राप्त झालेला ओटीपी पाहण्यास सक्षम असल्याने, त्याने त्याचा वापर करून एकूण 3 लाख रुपये एकाधिक व्यवहारांमध्ये हस्तांतरित केले. बँकेकडून पैसे काढल्याबद्दल एसएमएस अलर्ट मिळाल्यावर, तक्रारदाराने त्याच्या बँकेच्या कस्टमर केअर नंबरवर कॉल केला आणि त्याचे खाते ब्लॉक केले आणि थेट पोलिस स्टेशन गाठले.