उद्या मुंबई लोकल मार्गावर कुठे-कुठे आहे मेगाब्लॉक?
पश्चिम रेल्वेच्या प्रवाशांना मिळणार दिलासा
)
दर रविवारप्रमाणे याही रविवारी (7 मार्च) मुंबई लोकल मार्गावर मेगाब्लॉकचं काम हाती घेण्यात येणार आहे. मध्य, हार्बर आणि पश्चिम अशा तिन्ही मार्गांवर येत्या रविवारी मेगाब्लॉक घेण्यात येईल.
-
मध्य रेल्वेवर कुठे असेल मेगाब्लॉक?
-
छत्रपती शिवाजी महाराज टर्मिनस आणि विद्याविहार अप आणि डाऊन धीम्या मार्गावर
-
सकाळी १०.५५ ते दुपारी ३.५५ वाजेपर्यंत मेगाब्लॉक
-
छशिमट इथून सकाळी १०.४८ ते दुपारी ३.३६ या दरम्यान सुटणाऱ्या डाऊन धीम्या मार्गावरील सेवा छशिमट ते विद्याविहार स्थानकांदरम्यान डाऊन जलद मार्गावर वळविल्या जाणार.
-
या लोकल मस्जिद, सँडहर्स्ट रोड, चिंचपोकळी, करी रोड, विद्याविहार स्थानकावर थांबणार नाहीत. विद्याविहार इथून पुन्हा डाऊन धीम्या मार्गावर वळविण्यात येतील.
-
घाटकोपर इथून सकाळी १०.४० पासून दुपारी ३.५२ दरम्यान सुटणाऱ्या अप धीम्या मार्गावरील सेवा विद्याविहार ते छत्रपती शिवाजी महाराज टर्मिनस स्थानकांदरम्यान अप जलद मार्गावर वळविण्यात येतील.
-
या सेवा विद्याविहार, करी रोड, चिंचपोकळी, सँडहर्स्ट रोड आणि मस्जिद या स्थानकावर थांबणार नाहीत. ब्लॉककाळात मस्जिद, सँडहर्स्ट रोड, चिंचपोकळी, करी रोड आणि विद्याविहार येथे सेवा उपलब्ध होणार नाहीत.
-
हार्बर रेल्वे मार्गावर कुठे मेगाब्लॉक?
-
कुर्ला - वाशी अप आणि डाउन हार्बर मार्गादरम्यान सकाळी ११.१० ते दुपारी ४.१० वाजेपर्यंत मेगाब्लॉक
-
छत्रपती शिवाजी महाराज टर्मिनस इथून सकाळी १०.३४ ते दुपारी ३.३९ दरम्यान वाशी / बेलापूर / पनवेलसाठी सुटणाऱ्या डाऊन हार्बर मार्गावरील सेवा, तसंच छशिमटसाठी पनवेल/बेलापूर/वाशी इथून सकाळी १०.२१ ते दुपारी ३.४१ दरम्यान सुटणाऱ्या अप हार्बर मार्गावरील सेवा बंद राहतील.
-
ब्लॉककाळात छत्रपती शिवाजी महाराज टर्मिनस - कुर्ला आणि वाशी - पनवेल विभागादरम्यान विशेष सेवा चालवल्या जाणार आहेत.
-
मेगाब्लॉकमुळे हार्बर मार्गावरील प्रवाशांना सकाळी १०.०० ते दुपारी ४.३० पर्यंत मेन लाइन आणि ट्रान्स हार्बर मार्गावरून प्रवास करण्याची परवानगी असेल.
-
पश्चिम रेल्वेवर कुठे मेगाब्लॉक?
-
पश्चिम रेल्वेमार्गावर रविवारी मध्यरात्री मेगाब्लॉक घेतला जाणार आहे, त्यामुळे पश्चिम रेल्वेच्या प्रवाशांना दिलासा मिळाला आहे.