महाराष्ट्रात राष्ट्रपती राजवट लागू झाली तरी मला चालेल, पण....
संजय राऊत यांना टॅग करत कुणाल कामराचं ट्विट सध्या चर्चेत आहे.
)
मुंबई : गेल्या काही दिवसांपासून स्टँडअप कॉमेडियन कुणाल कामरा चर्चेत आहे. काही दिवसांपूर्वी त्याने शिवसेना खासदार संजय राऊत यांची मुलाखत घेतली. यावेळी त्याने संजय राऊत यांना एक जेसीबीची प्रतिकृती भेट स्वरूपात दिली. लवकरच कुणाल कामरा आणि संजय राऊत यांची मुलाखत ‘शट अप या कुणाल’ या पॉडकास्टच्या माध्यमातून प्रदर्शित होणार आहे. आता देखील कुणालने संजय राऊत यांना टॅग करत एक ट्विट केलं. मला महाराष्ट्रात राष्ट्रपती राजवट चालेल. असं वक्तव्य त्याने सोशल मीडियावर केलं. सध्या त्याचं हे ट्विट मोठ्या प्रमाणात व्हायरल होत आहे.
ट्विट करत तो म्हणाला, 'ज्या दिवशी संजय राऊत राष्ट्रपती असतील, त्या दिवशी मला महाराष्ट्रात राष्ट्रपती राजवट लागू झाली तरी चालेल. 'असं कुणाल कामरानं म्हटलं आहे. दरम्यान राज्यात गेल्या काही दिवसांपासून अनेक चर्चांवर वाद सुरू आहे. शिवाय सरकारच्या कामांवर प्रश्नचिन्ह उपस्थित करत अभिनेत्री कंगना रानौतसह अनेकांनी राज्यात राष्ट्रपती राजवट लागू करण्याची मागणी केली.
I’m ok with presidents rule in Maharashtra the day @rautsanjay61 ji is our president
— Kunal Kamra (@kunalkamra88) October 18, 2020
तर कुणाल कामराच्या या अटीनंतर काय पडसाद उमटतील हे पाहणं महत्त्वाचं ठरणार आहे. आपल्या चौकटीबाहेरील आणि विशेषत: राजकीय परिस्थिवर उपरोधिक टीका करत भाष्य करत विनोद सादर करण्याची कुणालची शैली विशेष चर्चेचा मुद्दा ठरते.
मुख्य म्हणजे आता शिवसेना नेते संजय राऊत यांची मुलाखत किती घेताना कुणाल कामरा त्यांची किती फिरकी घेणार आणि संजय राऊत त्याच्या या प्रश्नांना शिवसेना स्टाईलनं कशी उत्तरं देणार हे पाहणं औत्सुक्याचं ठरणार आहे.