मुंबईत इमारतीचा काही भाग कोसळला, एकाचा मृत्यू

मुंबई : चांदिवली परिसरात असलेल्या सहा मजली इमारतीचा काही भाग कोसळल्याची घटना घडली आहे. या दुर्घटनेत एकाचा मृत्यू झाला आहे तर आणखीन काही जण ढिगा-याखाली अडकल्याची माहिती समोर येत आहे.

संघर्ष नगर परिसरात एका इमारतीचे पाडकाम सुरू होते त्यावेळी या इमारतीचा काही भाग अचानक कोसळला. इमारतीचा भाग कोसळल्याने ६ जण ढिगा-याखाली अडकल्याची भीती व्यक्त करण्यात येत आहे.

इमारतीचं पाडकाम सुरु असताना ही दुर्घटना घडली. त्यामुळे ढिगा-याखाली २ जेसीबी मशिन्स गाडल्या गेल्याचं वृत्त समोर येत आहे.

Mumbai: 6-storey building collapses during demolition in Sangharsh Nagar, 5 reported to be trapped, 1 rescued; 2 JCB, 1 Poclain under debris

— ANI (@ANI) August 26, 2017

इमारतीचा काही भाग कोसळल्यानंतर घटनास्थळी अग्निशमन दलाचे जवान दाखल झाले असून बचावकार्य सुरु करण्यात आलं आहे. अग्निशमन दल आणि रुग्णवाहिका घटनास्थळी दाखल झाल्या आहेत.