मुंबईकरांच्या खिशाला कात्री, आजपासून रिक्षा, टॅक्सी प्रवास महागला

Auto Rickshaw Taxi Fare in Mumbai : प्रत्येक मुंबईकरांसाठी महत्त्वाची बातमी...आजपासून मुंबईत टॅक्सी (Taxi Fare) आणि रिक्षा दरवाढ (Auto Rickshaw) झाली आहे. पहिलेच महागाईचा बोजा त्यात टॅक्सी आणि रिक्षाची दरवाढ यामुळे सर्वसामान्यांचे कंबरड मोडलं आहे. आजपासून मुंबईकरांना रिक्षा, टॅक्सी प्रवास करणाऱ्यांसाठी नव्या दरानुसार भाडे द्यावे लागणार आहे. 
(1 October Auto Rickshaw Taxi fare in Mumbai nm)

ऑटो रिक्षासाठी 21 रुपयांऐवजी 23 रुपये मोजावे लागणार आहे. पहिल्या 1.5 किमीसाठी ही पैसे असणार असून त्यापुढे प्रत्येक किमीसाठी 14.20 रुपये, टॅक्सीसाठी याच अंतरासाठी 25 रुपयांऐवजी 28 रुपये आणि पुढे प्रत्येक किमीसाठी 15.33 रुपये, कूल कॅबसाठी 33 ऐवजी 40 रुपये आणि पुढे प्रत्येक किमीसाठी 22.26 रुपये मोजावे लागतील.

1 ऑक्टोबर 2022 पासून मुंबई ऑटो भाडे

ऑटो भाडेवाढ - 1.5 किमी अंतरासाठी किमान भाडे ₹21 वरून ₹23 पर्यंत वाढले

फ्लॅग डाउन अंतरासाठी ऑटो भाडे

1 ऑक्टोबरपासून मुंबईतील प्रवाशांना 14.20 रुपये (प्रति किमी) ऐवजी 15.33 रुपये प्रति किमी मोजावे लागतील.

1 ऑक्टोबर 2022 पासून मुंबई टॅक्सी भाडे

टॅक्सी भाडेवाढ  - 1.5 किमी अंतरासाठी किमान भाडे ₹25 ते ₹28 पर्यंत वाढले

फ्लॅग डाउन अंतरासाठी टॅक्सी भाडे

1 ऑक्टोबरपासून मुंबईतील प्रवाशांना 16.93 रुपये (प्रति किमी) ऐवजी 18.66 रुपये प्रति किमी मोजावे लागतील. ब्लू-सिल्व्हर 'कूल' कॅब टॅक्सी - किमान मूळ भाडे ₹33 प्रति किमी वरून ₹40 प्रति किमी करण्यात आले आहे आणि त्यानंतर या कॅबसाठी प्रति किमी भाडे ₹26.71 होईल.

सीएनजी आणि पेट्रोल या दोन्हींवर वाढीव भाडे लागू

मुंबईतील ऑटोरिक्षा आणि टॅक्सींचे वाढलेले भाडे पेट्रोल आणि सीएनजीवर चालणाऱ्या टॅक्सींना लागू असल्याचे एमएमआरटीएने म्हटलं आहे. टॅक्सी आणि ऑटो रिक्षाच्या भाड्यात सुधारणा करण्यात आली कारण CNG ची किंमत 1 मार्च 2021 रोजी प्रति किलो ₹ 49.40 वरून ₹ 80 प्रति किलो करण्यात आली होती, याशिवाय राहणीमानाचा वाढता खर्च, महागाई आणि इतर कारणांमुळे भाडे देखील वाढवण्यात आले आहे.