राऊतांनी दिला फडणवीसांना खोटं न बोलण्याचा सल्ला; काय म्हणाले संजय राऊत?

मुंबई : विधानसभेचे विरोधी पक्षनेते देवेंद्र फडणवीस यांच्या आरोपांना शिवसेनेचे संजय राऊत यांनी ट्विट करून उत्तर दिलंय. फडणवीस खोटं बोलू नका असं उत्तर राऊत यांनी दिलंय.

पोलीस बदली घोटाळा प्रकरणात विरोधी पक्षनेते देवेंद्र फडणवीस यांचा जबाब मुंबई पोलिसांनी नोंदविला. त्यानंतर देवेंद्र फडणवीस यांनी पत्रकार परिषद घेत राज्य सरकारवर टीका केली. ‘मी खुलेपणाने बोललो की मी चौकशीला जायला तयार आहे. कुठे बोलवायचं तिथे बोलवा, मी यायला तयार आहे.'

विरोधी पक्षनेते देवेंद्र फडणवीस यांच्या ऐकण्यात व पहाण्यात काही तरी दोष निर्माण झालाय. संजय राऊत मर्द शिवसैनिक आहे.
घाबरण्याचा प्रश्नच नाही. केंद्रीय तपास यंत्रणा किती खोटे पणाने कारवाया करतात याचा पोलखोल करण्यासाठी मी दोन पत्रकार परिषद घेतल्या.पुराव्यासह. इतकेही खोटे बोलू नका.

— Sanjay Raut (@rautsanjay61) March 13, 2022

पण, संजय राऊत घाबरून रोज केंद्रीय तपास यंत्रणांवर आरोप करतात. पत्रकार परिषदेत, मला का बोलावलं? मला का बोलावलं? असं विचारतात. याचं उत्तर त्यांनी दिलं पाहिजे, अशी टीका फडणवीस यांनी केली होती.