पावसाच्या हजेरीने पुणेकर सुखावले

पुणे : उकाड्य़ाने हैराण झालेल्या पुणेकरांना अचानक आलेल्या पावसामुळे दिलासा मिळाला आहे. ढगांच्या कडकडाटासह पुण्यात सरी कोसळल्या. शहराच्या विविध भागात पावसाने हजेरी लावली. अचानक आलेल्या पावसाने लोकांची तांराबळ उडाली. पुणेकरांना उन्हांच्या झळांपासून दिलासा मिळाला आहे. 

उष्णतेच्या लाटेचा इशारा

दरम्यान, यंदाचा मान्सून वेळे आधी आला तर, त्याचे स्वागतच केले जाईल. कारण, राज्यातील अनेक जिल्ह्यांमध्ये उन्हाचा कडाका प्रचंड वाढला आहे. तसेच, काही जिल्ह्यांमध्ये तर, थेट उष्णतेच्या लाटेचाच इशारा हवामान विभागाने वर्तवला आहे.

यंदा सामान्य पाऊस

२० मे रोजी मान्सून अंदमान आणि निकोबार बेटावर पोहचेल. यानंतर २४ मे रोजी श्रीलंकेत दाखल होईल आणि बंगालच्या उपसागरावरुन मान्सूनचा प्रवास सुरु होईल असा अंदाज स्कायमेटने व्यक्त केलाय. तर मान्सून १० ते १५ जूनपर्यंत महाराष्ट्रात पोहचेल असा अंदाजही स्कायमेटनं वर्तवलाय.याआधी मान्सून १०० टक्के सामान्य राहणार असल्याचा अंदाज ४ एप्रिलला व्यक्त केला होता.