२०० फूट खोल बोअरवेलमध्ये पडलेल्या सहा वर्षांच्या रवीला बाहेर काढण्यात यश
आंबेगाव तालुक्यातल्या एका गावात एक चिमुकला बोअरवेलमध्ये पडला. सुटकेसाठी सहा वर्षांचे बाळ जीवाच्या आकांतानं ओरडत होते.
)
पुणे : आंबेगाव तालुक्यातल्या एका गावात एक चिमुकला बोअरवेलमध्ये पडला. सुटकेसाठी सहा वर्षांचे बाळ जीवाच्या आकांतानं ओरडत होते. अख्खी रात्र त्याच्या सुटकेसाठी प्रयत्न करण्यात आले. अवघ्या ६ वर्षांच्या रवीचा हा केविलवाणा आक्रोश सगळ्यांच्याच हृदयांना घरं पाडत होता. पुणे जिल्ह्यातल्या आंबेगाव तालुक्यातल्या थोरांदळे गावात रवी बुधवारी संध्याकाळी सहाच्या सुमाराला बोअरवेलमध्ये पडला. आणि मग सुरू झाली रवीला वाचवण्याची धडपड. त्याला दुसऱ्या दिवशी सकाळी बाहेर काढण्यात यश आले.
Maharashtra: The six-year-old boy who fell into a borewell near Manchar tehsil in Pune yesterday has been safely rescued after about 16 hrs of rescue operation. pic.twitter.com/o1O1Cenxsh
— ANI (@ANI) February 21, 2019
NDRF चे २५ जवान तातडीनं गावात पोहोचले. आतमधून रवीच्या बोलण्याचा आवाज येत होता. एनडीआरएफ खोदकाम करत तब्बल ११ तासांनी रवीच्या चेहऱ्यापर्यंत पोहोचले. रवीचा चेहरा दिसताच सगळ्यांच्या जीवात जीव आला. रवीला खायला देण्यात आले. पण रवीचा पाय खाली अडकला होता, त्यामुळे रवीला बाहेर काढता येत नव्हते. अखेर रवीच्या कंबरेपर्यंत खोदकाम करावे लागले.
Maharashtra: Operation is underway to rescue a 6-year-old boy, who got trapped in a borewell at about 10 feet depth yesterday, at a village in Ambegaon, Pune. Police & NDRF team present at the spot. pic.twitter.com/4oa8ZOYdJq
— ANI (@ANI) February 21, 2019
एनडीआरएफच्या रात्रभर सुरू असलेल्या १६ तासांच्या प्रयत्नांनंतर अखेर तो यशस्वी क्षण आला. रवीला बाहेर काढण्यात आले. रात्रभर बोअरवेलमध्ये अडकलेले लेकरू सुखरुप बाहेर आले. एनडीआरएफच्या जवानांसाठी टाळ्या वाजल्या, अश्रू ओघळले. छोट्या रवीची इच्छाशक्ती तीव्र होतीच, पण योग्य वेळेत जलद कारवाई करणाऱ्या प्रशासनाचे, एनडीआरएफचेही कौतुक. रवीची प्रकृती आता उत्तम आहे.