Maharashtra Assembly Winter Session 2023 : राज्याच्या विधीमंडळ अधिवेशनाचा आजचा पाचवा दिवस आहे. विधानसभेत आज पुन्हा मराठा आरक्षण व अवकाळीच्या मुद्द्यावर वादळी चर्चेची अपेक्षा आहे. राज्यातील कंत्राटी भरती, सरकारी रुग्णालयातील मृत्यूंवर सत्ताधारी व विरोधकांमध्ये जुंपण्याची शक्यता आहे. तसेच अंगणवाडी कर्मचारी व कामगारांच्या मध्यान्ह भोजनावरही चर्चा होण्याची शक्यता आहे.
13 Dec 2023, 12:24 वाजता
Maharashtra Assembly Winter Session 2023 : आरोग्याच्या प्रश्नावरुन विरोधकांचा सभात्याग
आरोग्य प्रश्नावरून विरोधकांनी विधानसभेत आक्रमक भूमिका घेत सभात्याग केला आहे. राज्यातल्या आरोग्य प्रश्नावरुन आरोग्य मंत्री तानाजी सावंत यांनी राजीनामा द्यावा, अशी मागणी विरोधी पक्षनेते विजय वडेट्टीवार यांनी मागणी केली आहे. या मागणीसाठी विरोधकांनी सभात्याग केला.
13 Dec 2023, 11:21 वाजता
Maharashtra Assembly Winter Session 2023 : मोदाणी हटाव धारावी बचाव! नागपुरात विरोधकांचे आंदोलन
हिवाळी अधिवेशनाच्या पाचव्या दिवसाच्या सुरुवाती आधीच विरोधकांनी सत्ताधाऱ्यांविरोधात आंदोलन सुरु केलं आहे. धारावी पुनर्विकास संदर्भात विरोधकांनी अदानी समुह विरोधात आंदोलन केले. यामध्ये आमदार वर्षा गायकवाड, अंबादास दानवे यांचा समावेश होता.
