19 Oct 2024, 09:07 वाजता
Maharashtra Breaking News Today LIVE Updates : मविआत अद्यापही 28 जागांवर तिढा- सूत्र
मविआत अद्यापही 28 विधानसभा जागेवरून वाद सुरु आहे, अशी माहिती सूत्रांनी दिलीय. महाविकास आघाडीमध्ये 250 पेक्षा जास्त जागांवर एकमत झालं आहे. तर 28 जागांवरून पेच निर्माण झाला आहे. मुंबई आणि विदर्भातील जागांवरून तिढा कायम असल्याची माहिती सूत्रांनी दिलीय. या जागांवर ठाकरेंची शिवसेना आणि काँग्रेसनेही दावा केला आहे. मुंबईतील तीन जागांचा तिढा कायम आहे. यात वर्सोवा, भायखळा आणि धारावी या मतदारसंघांचा मुद्दा आहे. या मतदारसंघांवर काँग्रेसने दावा केला आहे. वर्सोवा, भायखळा आणि घाटकोपर पश्चिम या मतदारसंघांवर ठाकरेंच्या शिवसेनेने दावा केला आहे.
19 Oct 2024, 09:05 वाजता
Maharashtra Breaking News Today LIVE Updates : महायुतीचं जागावाटप फायनल - सूत्र
महायुतीचं जागावाटप फायनल झाल्याची माहिती सूत्रांनी झी 24 तासला दिलीय. दिल्लीत अमित शाहांसोबत झालेल्या बैठकीत विधानसभेचं जागावाटप फायनल झाल्याची माहिती आहे.. दिल्लीत अमित शाहांसोबत एकनाथ शिंदे, देवेंद्र फडणवीस आणि अजित पवार यांची रात्री उशीरा बैठक झालीय.. लवकरच आता राज्यात जोरदार प्रचार करण्यात येणार आहे..
