एकनाथ खडसे यांचा टोला, राजकारणात पाय खेचणाऱ्यांची कमी नाही!

जळगाव : माजी महसूलमंत्री एकनाथ खडसे आणि जलसंपदामंत्री गिरीश महाजन यांच्यातील वाद पुन्हा एकदा चव्हाट्यावर आलाय. भाजप विस्ताराचे श्रेय देताना खडसे यांनी महाजन यांना नाव न घेता टोला लगावला.

 भाजपच्या विस्ताराचं श्रेय संघ परिवाराला

जळगाव जिल्ह्यात भाजपच्या विस्ताराचं श्रेय संघ परिवाराला जात असल्याचं सांगत त्यात आपल्यासह डॉ. अविनाश आचार्य, बापूराव मांडे, माजी खासदार गुणवंतराव सरोदे यांचा सहभाग असल्याचं माजी महसूलमंत्री एकनाथ खडसे यांनी नमूद केलं. 

गिरीश महाजन यांना टोला

मात्र यावेळी त्यांनी जलसंपदामंत्री गिरीश महाजन यांचं नाव घेणं टाळलं. तसंच राजकारणात पाय खेचणाऱ्यांची कमी नसल्याचा टोलाही त्यांनी यावेळी हाणला.

ज्येष्ठ स्वयंसेवक बापूराव मांडे यांच्या अमृतमहोत्सवी सत्कार सोहळ्यात ते बोलत होते. यावेळी संघाचे सहकार्यवाह भय्याजी जोशीही उपस्थित होते.