नवरा-बायकोमध्ये वाद महत्त्वाचा, नाहीतर 'ते' नातं कसलं? सुधा मुर्ती का असं म्हणाल्या
Relationship Tips : प्रत्येक जोडपं आपापल्या पद्धतीने आपलं नातं जपत असतं, पण तरीही काही गोष्टी अशा असतात ज्यामुळे नात्यात कमतरता निर्माण होतात. खास करुन भांडण, पण सुधा मूर्ती यांनी त्यांच्या एका मुलाखतीत पती-पत्नीमधील भांडण आवश्यक असल्याचे म्हटले. यामागचं कारण काय?
)
कोणतेही नाते तेव्हाच दीर्घकाळ टिकते जेव्हा त्या नातेसंबंधातील लोकांमध्ये प्रेम. आपुलकी आणि आदर असतो. परंतु अनेकदा असे म्हटले जाते की, भांडण झालेल्या जोडप्यांमध्ये प्रेम तितकेच वाढते. तुम्हीही हे कुठेतरी कोणाकडून तरी ऐकले असेलच. सुधा नारायण मूर्ती यांनीही त्यांच्या एका मुलाखतीत हेच सांगितले होते.
सुधा मूर्ती या लेखिका असण्यासोबतच खासदार आणि इन्फोसिस फाऊंडेशनच्या अध्यक्षाही आहेत. सुधा मूर्ती जे वागल्या आज ते सगळ्यांना सांगत आहेत. आपल्या नातेसंबंधातील गोष्टी शेअर करतात. सुधा मूर्ती यांनीही सर्वांसमोर प्रेमाविषयी आपले मत मांडले आणि पती-पत्नीमध्ये भांडण होणे गरजेचे आहे. जर तुम्ही कधीच भांडत नसाल तर तुम्ही पती-पत्नी नाही असे सांगितले. इतकेच नाही तर सुधा मूर्ती यांनी नात्याशी संबंधित आणखी 3 गोष्टी सांगितल्या ज्या प्रत्येक जोडप्याने जाणून घेतल्या पाहिजेत आणि समजून घेतल्या पाहिजेत.
वाद महत्त्वाचा
सुधा मूर्ती या दोघांमधील प्रेमाविषयी सांगतात, 'जर तुम्ही पती-पत्नी असाल तर तुमचा जन्म भांडणासाठी झाला आहे. तुम्हाला हे मान्य करावे लागेल, जर तुम्ही म्हणत असाल की तुम्ही कधीही भांडले नाही पाहिजे, तर तुम्ही नवरा-बायको नाही. कारण नवरा बायकोच्या नात्यात वाद होतो.
एक रागवला तर दुसऱ्याने शांत व्हावं
आपला मुद्दा पुढे नेत सुधा मूर्ती म्हणतात, 'जेव्हा तुम्ही भांडता तेव्हा माणूस दु:खी होतो. अशा परिस्थितीत समोरच्या व्यक्तीने थंड राहावे. जेव्हा मूर्ती रागावतात तेव्हा मी कधीच बोलत नाही आणि मी त्यांना जे हवे ते बोलू देतो आणि गप्प बसते. त्यांच्या आणि आर नारायण मूर्ती यांच्या नात्याबद्दल बोलताना लेखिक म्हणतात की, 'जेव्हा मला राग येतो तेव्हा ते गप्प राहताच. पण खऱ्या आयुष्यात मी बहुतेक वेळा गप्प राहते. तुम्ही एकत्र कधीही नाराज होऊ नका कारण त्यामुळे भांडण वाढते.
परफेक्ट कुणीच नसतं
तिसरे म्हणजे, लेखकाने म्हटले आहे की, 'जीवन म्हणजे देणे आणि घेणे, जसे तुम्हाला माहीत आहे. कोणही परिपूर्ण जीवन जगत नाही, कोणतेही परिपूर्ण जोडपेही नसते. काही लोकांमध्ये चांगले आणि काही वाईट गुण असतात. काही प्लस-मायनस पॉईंट समजून घेणे गरजेचे आहे. सुधा मूर्तीचा हा मुद्दा प्रत्येक जोडप्याने समजून घेतला तर नातं खूप छान जपलं जाईल.
पतीने करावी ही गोष्ट
सुधा मूर्ती यांनी पती आणि इतर सर्व पुरुषांबद्दल एक गोष्ट सांगितली, जी प्रत्येकाने समजून घेणे खूप महत्वाचे आहे. त्या म्हणाली की, 'या पिढीतील प्रत्येक पुरुषाने आपल्या पत्नीला स्वयंपाकघरात मदत करावी अशी माझी इच्छा आहे. हे खूप महत्त्वाचं आहे. ती कदाचित एक सॉफ्टवेअर अभियंता असू शकते जी ऑफिसमध्ये काम करते, नंतर घरी येते आणि जेवण बनवते आणि पीटीए मीटिंगमध्ये सहभागी होते. आई म्हणून ती सर्वच जबाबदाऱ्या सांभाळते.
सुधा मूर्तींनी सांगितलं
आईच्या हातचं आवडतं मग...
ज्या नवऱ्यांना त्यांच्या आईने शिजवलेले अन्न आवडते किंवा जे अनेकदा आपल्या बायकोला याबद्दल त्रास देत असतात त्यांच्यासाठी, सुधा मूर्ती सांगतात की 'सर्व पुरुष सामान्यपणे 'माझी आई खूप छान जेवण बनवतात' असे बोलतात, कारण ती काम करत नव्हती आणि सर्व स्वयंपाक करायची. पण तुमची बायको कामाला जाते. घर-काम अशा दुहेरी जबाबदाऱ्या सांभाळते. त्यामुळे तुम्ही असं बोलून पत्नीला दुखवू नका.