१ एप्रिल हा दिवस एप्रिल फुल म्हणून का साजरा केला जातो? या मागची कथा फारच रंजक

मुंबई : आज १ एप्रिल आहे. आजपासून नवीन आर्थिक वर्ष सुरू होतं आहे, परंतु अनेकजण हा दिवस एप्रिल फूल डे म्हणून साजरा करत आहेत. हा दिवस साजरा करण्यासाठी, लोक आपापसात विनोद करतात आणि एकमेकांना मूर्ख बनवण्याचा प्रयत्न करतात. कदाचित, तुम्हीही हे करत असाल किंवा लहानपणी तुम्हीही असं केलं असेल. पण, तुम्ही कधी विचार केला आहे का की, हे फक्त एप्रिल महिन्याच्या पहिल्या दिवशीच का होते आणि हा दिवस फक्त 1 एप्रिललाच का साजरा केला जातो?

अशा परिस्थितीत, आज आम्ही तुम्हाला या मागची रंजक कहाणी सांगणार आहोत, जेणेकरून तुम्हाला त्याच्या इतिहासाची माहिती मिळेल. चला तर मग जाणून घेऊया काय आहे एप्रिल फूल बनवण्याची कहाणी आणि दरवर्षी हा दिवस का साजरा केला जातो.

एप्रिल फूलची कथा काय आहे?

हा दिवस का साजरा केला जातो आणि तो कधी सुरू झाला? त्याची नेमकी माहिती मिळणे अवघड आहे. त्याच्या उत्पत्तीबद्दल जाणून घेणे अद्याप एक गूढ आहे, परंतु अशा अनेक कथा प्रचलित आहेत, ज्या एप्रिल फूल साजरा करण्याशी संबंधित आहेत.

यातील सर्वात लोकप्रिय 1582 सालातील एक कथा आहे, जेव्हा फ्रान्सने ज्युलियन कॅलेंडर बदलून ग्रेगोरियन कॅलेंडर स्वीकारले होते.

पोप ग्रेगरी XIII यांनी ग्रेगोरियन कॅलेंडर सुरू केले. या कॅलेंडरमध्ये जानेवारीपासून वर्ष सुरू होते आणि हेच कॅलेंडर आपण वापरतो. ज्युलियन कॅलेंडरमध्ये, नवीन वर्ष 1 एप्रिल रोजी सुरू होते, परंतु जेव्हा पोप चार्ल्स 9 ने ग्रेगोरियन कॅलेंडर सुरू केले तेव्हा लोकांना त्या बदलाची माहिती नव्हती आणि त्यांनी दरवर्षीप्रमाणे 1 एप्रिल रोजी नवीन वर्ष साजरे करण्यास सुरुवात केली. अशा परिस्थितीत त्या लोकांची खूप मजा केली, परंतु त्या दिवशी नवीन दिवस नसल्याने त्यांना एप्रिल फूल म्हटले गेले. तेव्हापासून लोक हा दिवस साजरा करु लागले.

1381 सालची ही गोष्ट

एप्रिल फूल डे संदर्भात इंग्लंडचा राजा रिचर्ड II याचा एक मजेदार किस्सा प्रचलित आहे. असे म्हटले जाते की, रिचर्ड II आणि बोहेमियाची राणी ऍनी यांनी घोषित केले की ते 32 मार्च 1381 रोजी लग्न करणार आहेत. ही बातमी ऐकून लोकांना खूप आनंद झाला. साजरा केला आणि या दिवसाची सर्व तयारी सुरू केली. पण जेव्हा 31 मार्च आला तेव्हा त्यांना समजले की आपल्याला फसवले गेले आहे, कारण 32 मार्च कधीच येणार नाही. तेव्हापासून ३१ मार्चच्या दुसऱ्या दिवशी म्हणजेच १ एप्रिलला फूल डे म्हणून साजरा करण्यात आला.