Weight Gain : वजन वाढण्यामागचं हे आहे मोठं कारण, तुम्ही न कळत करताय दुर्लक्ष

Weight Gain causes : काही लोकांचं वजन हे अचानक वाढू लागतं. यामागची कारणं वेगवेगळी असू शकतात. पण आणखी एक महत्त्वाचं कारण आहे. ज्याकडे आपण न कळत दुर्लक्ष करत असतो. वजन अधिक असणं किंवा लठ्ठपणा हे आरोग्यासाठी कधीही चांगले नाही. पण आपण याकडे दुर्लक्ष केल्याने पुढे जावून त्याचा त्रास वाढतो. (Weight Gain main Cause)

सध्या वजन कमी करणे ही लोकांची सर्वात मोठी क्रेझ आहे, त्यासाठी ते विविध प्रकारचे आहार घेतात, आहारावर नियंत्रण ठेवतात, तरीही लठ्ठपणापासून सुटका होत नाही. लठ्ठपणा कमी करण्यासाठी केवळ आहार आणि व्यायामावर नियंत्रण ठेवणे आवश्यक नाही तर झोपही तितकीच महत्त्वाची आहे.

कमी झोपेमुळे (Lack of Sleep) देखील वजन वाढते हे अनेकांना माहित नसेल. काही लोक वजन कमी करण्यासाठी  अनेक गोष्टी करतात. पण तरीही वजन कमी होत नाही. अनेक जण रात्री उशिरा झोपतात आणि सकाळी लवकर उठतात आणि संध्याकाळी जिममध्ये व्यायाम करायला जातात. परंतु तुम्हाला माहिती आहे की झोप कमी करून तुम्ही जिममध्ये वजन कमी करू शकत नाही, परंतु अशा प्रकारे तुमचे वजन वेगाने वाढू शकते.

झोपेच्या अभावामुळे लठ्ठपणा कसा वाढतो : 

वजन कमी करण्यासाठी संतुलित आहार आणि संतुलित जीवनशैली असणे आवश्यक आहे. झोपेची कमतरता तुम्हाला अनेक आजारांना बळी पडू शकते. जर तुम्ही दिवसातून 5 तासांपेक्षा कमी झोपत असाल तर तुम्हाला अनेक आरोग्य समस्या उद्भवू शकतात. झोपेच्या कमतरतेमुळे लठ्ठपणा झपाट्याने वाढत असल्याचे अनेक संशोधनातून समोर आले आहे.