व्हिडिओ शूट करताना लोकप्रिय 'सलमान खान'ला अटक, पाहा काय आहे प्रकरण
सोशल मीडियावर व्हिडिओ बनवणं पडलं महागात.
)
लखनौ : सलमान खानचे चाहते जगभरात उपस्थित आहेत. हुबेहुब त्याच्यासारखे दिसणारे त्याचे काही चाहते आहेत. तुम्ही आत्तापर्यंत सोशल मीडियावर सलमान खानचे अनेक लूक पाहिले असतील, पण आझम अन्सारी हा अभिनेत्याचा Doppelganger म्हणून सर्वाधिक प्रसिद्ध आहे. सोशल मीडियावर मोठ्या संख्येने लोक त्याला फॉलो करतात. सलमान खान सारखा दिसणारा आझम अन्सारी याला लखनौ पोलिसांनी रविवारी रात्री उशिरा अटक केली.
सलमान खान (Salman Khan) डॉपलगँगरसारखा दिसणारा आझम अन्सारी याला व्हिडिओ शूट केल्यानंतर अटक करण्यात आली. मिळालेल्या माहितीनुसार, अन्सारी रविवारी ऐतिहासिक क्लॉक टॉवरवर इंस्टाग्राम शॉर्ट रील बनवत होता आणि त्याला पाहण्यासाठी तेथे लोकांची गर्दी झाली होती.
गर्दी जमल्याने वाहतूक कोंडी झाली होती. त्यानंतर प्रवाशांच्या तक्रारीनंतर पोलिसांनी घटनास्थळ गाठून आझम अन्सारीला ताब्यात घेतले. एएनआय या वृत्तसंस्थेनुसार, त्याला ठाकूरगंज पोलिसांनी सार्वजनिक ठिकाणी धुम्रपान केल्याप्रकरणी अटक केली होती.
Uttar Pradesh | A man from Lucknow, Azam Ansari penalised, arrested, and sent to jail last night by Thakurganj Police for smoking in a public place. The man used to copy actor Salman Khan and shoot videos of himself for social media. pic.twitter.com/RQgqEwzzzI
— ANI UP/Uttarakhand (@ANINewsUP) May 9, 2022
यूट्यूबवर 1.67 लाख सबस्क्राइबर्स
आझम अन्सारी अनेकदा लखनौमधील ऐतिहासिक रस्त्यांवर आणि स्मारकांसमोर त्याचे व्हिडिओ शूट करतो. सोशल मीडियावरही त्याला खूप पसंती दिली जाते आणि यूट्यूबवर त्याचे 1.67 लाख सदस्य आहेत. तो अनेकदा त्याच्या व्हिडिओंमध्ये सलमान खानची नक्कल करताना दिसतो, ज्यामध्ये मेगास्टारच्या आयकॉनिक वॉकचाही समावेश आहे.
LIVE