RBI ने FD च्या नियमात केले आहेत हे नवे बदल... तुम्हाला माहिती आहेत का?

RBI FD Rules : तुम्ही Fixed Deposit मध्ये पैसे गुंतवले आहेत तर हा अपडेट तुम्ही जाणून घ्यायलाच हवा कारण RBI ने FD च्या नियमांमध्ये नवे बदल केले आहेत. गेल्या काही दिवसांपासून अनेक सरकारी बँकांनी आपल्या व्याजदरात बदल केले आहेत. त्यातून आता FD च्या नियमांमध्येही बदल झाल्याने आता पैसे गुंतवताना हे नवीन नियम आवर्जुन जाणून घ्या नाहीतर तुमचे नुकसान होऊ शकते. 

Fixed Deposit Maturity काय आहेत नियम ? 
RBI ने Fixed Deposit (FD) च्या नियमात एक मोठा बदल केला आहे की आता Maturity नंतर जर तुम्ही रकमेवर दावा जारी केला नाही तर तुम्हाला त्यावर कमी व्याज मिळेल. हे व्याज बचत खात्यावर मिळणाऱ्या व्याजाइतके असेल. सध्या बँका 5 ते 10 वर्षांच्या दीर्घ मुदतीच्या FD वर 5% पेक्षा जास्त व्याज देतात. तर बचत खात्यावरील व्याजदर 3 ते 4 टक्के आहे.

RBI ने दिलेल्या माहितीनुसार जर FD Mature झाली आणि तुम्ही रक्कम भरली नाही किंवा दावा केला नाही, तर बचत खात्यानुसार व्याज दर किंवा Mature FD वरील निश्चित व्याज दर कमी होतील. हे नवीन नियम सर्व व्यापारी, लघु वित्त, सहकारी, स्थानिक प्रादेशिक बँकांमधील FD वर लागू होतील.

जर तुमच्याकडे 5 वर्षांच्या Maturity ची FD आहे जी आज Mature झाली आहे पण तुम्ही हे पैसे काढत नाही तर बँकेच्या बचत खात्यावर मिळणाऱ्या व्याजापेक्षा कमी व्याज तुम्हाला मिळत राहील. जर एफडीवर मिळणारे व्याज बचत खात्यावर मिळणाऱ्या व्याजापेक्षा जास्त असेल तर तुम्हाला मुदतपूर्तीनंतर बचत खात्यावर व्याज मिळेल. त्यामुळे मुदतपूर्तीनंतर लगेच पैसे काढणे चांगले ठरेल.