Omicron ची आता 59 देशांमध्ये धडक, भारतात रुग्णांची संख्या वाढली

नवी दिल्ली : आरोग्य मंत्रालयाने (Health Department) शुक्रवारी कोरोना व्हायरसचा (corona virus) नवीन प्रकार, ओमायक्रॉनच्या सध्या स्थितीवर पत्रकार परिषद घेतली, ज्यामध्ये ओमायक्रॉनच्या (Omicron) देशातील नवीनतम परिस्थितीबद्दल माहिती देण्यात आली. आरोग्य मंत्रालयाच्या पत्रकार परिषदेदरम्यान, आशियातील सर्वात मोठी झोपडपट्टी असलेल्या धारावीमध्ये ओमायक्रॉन प्रकाराचे प्रकरण समोर आले. ज्या व्यक्तीचा कोरोना रिपोर्ट पॉझिटिव्ह आला तो टांझानियाहून परतला होता. अशाप्रकारे, आता देशात या प्रकाराची एकूण प्रकरणे 26 झाली आहेत.

पहिली दोन प्रकरणे कर्नाटकात नोंदवली गेली. पत्रकार परिषदेत सांगण्यात आले की, हा प्रकार आतापर्यंत एकूण 59 देशांमध्ये पसरला आहे. एकूण 2936 प्रकरणे नोंदवली गेली आहेत. 24 नोव्हेंबर रोजी, दक्षिण आफ्रिकेच्या गोटेंग प्रांतात या प्रकाराची पहिली केस नोंदवली गेली. ओमायक्रॉनला 26 नोव्हेंबर रोजी WHO ने चिंतेचा प्रकार म्हणून घोषित केले होते.

एकूण 2,936 नवीन प्रकारांपैकी, यूकेमध्ये सर्वाधिक 817, डेन्मार्क 796 आणि दक्षिण आफ्रिकेत 431 प्रकरणं आढळली आहेत. कॅनडामध्ये 78, अमेरिकेत 71, जर्मनीमध्ये 65, दक्षिण कोरियामध्ये 60 रुग्ण पॉझिटिव्ह आले आहेत. ऑस्ट्रेलियामध्ये 52, झिम्बाब्वेमध्ये 50, फ्रान्समध्ये 42, पोर्तुगालमध्ये 37, नेदरलँडमध्ये 36, नॉर्वेमध्ये 33, घानामध्ये 33 आणि बेल्जियममध्ये 30 रुग्ण आढळले आहेत.

भारतात अनेक नियम बदलले

आरोग्य मंत्रालयाने सांगितले की, या प्रकाराची प्रकरणे भारतात समोर आल्याने, त्यानंतर भारतात प्रवासी नियम बदलण्यात आले आहेत. पीएम मोदींनी या प्रकाराबाबत योग्य मार्गदर्शक सूचना दिल्या आहेत. नवीन आंतरराष्ट्रीय प्रवासी गाईडलाईन्स लागू करण्यात आल्या आहेत.

केरळमध्ये अजूनही कोरोनाचा कहर

आरोग्य मंत्रालयाच्या पत्रकार परिषदेत सांगण्यात आले की, देशात सध्या 94,943 सक्रिय रुग्ण आहेत. गेल्या एका आठवड्यात सरासरी 8427 प्रकरणे समोर आले आहेत. 24 तासांत 8503 रुग्ण आढळले आहेत. केरळमध्ये 41 हजारांहून अधिक सक्रिय प्रकरणे आहेत. महाराष्ट्रात 10,161 प्रकरणे आहेत. अडीच महिन्यांपासून आठवड्याचा पॉझिटिव्हिटी रेट 2 टक्क्यांपेक्षा कमी आहे.

19 जिल्ह्यांमध्ये सकारात्मकता दर सध्या 5 ते 10 टक्के आहे. यामध्ये केरळमधील आठ जिल्ह्यांचा समावेश आहे, एर्नाकुलम, कोल्लम, कन्नूर, कोट्टायम, त्रिशूर आणि वायनाड. मिझोराममध्ये 5, मणिपूरमध्ये 2, अरुणाचल प्रदेश, नागालँड, पुडुचेरी आणि पश्चिम बंगालमध्ये प्रत्येकी 1 जिल्हा आहे. तर 8 जिल्हे असे आहेत जेथे सकारात्मकता दर 10 टक्क्यांहून अधिक आहे. यामध्ये मिझोराममधील 5, केरळमधील 2, सिक्कीममधील 1 जिल्ह्यांचा समावेश आहे. दक्षिण सिक्कीम जिल्ह्यात हे प्रमाण 25.8 टक्क्यांहून अधिक दिसले आहे.

निम्म्या लोकसंख्येला कोरोनाची लस

आरोग्य मंत्रालयाच्या पत्रकार परिषदेत सांगण्यात आले की, 80.98 कोटी लोकांना लसीचा पहिला डोस देण्यात आला आहे. त्याच वेळी, 50.21 कोटी लोकांनी दुसरा डोस घेतला आहे. यावेळी देशातील निम्म्याहून अधिक लोकसंख्येचे संपूर्ण लसीकरण झाले आहे. एकूण 131 कोटींहून अधिक लोकांचे लसीकरण करण्यात आले आहे.