मी नरेंद्र मोदी आणि संघाला बिलकूल घाबरत नाही- राहुल गांधी
चौकीदार हा गरिबांच्या घरात असतो की श्रीमंतांच्या घरात?
)
पाटणा: मी नरेंद्र मोदी किंवा राष्ट्रीय स्वयंसेवक संघाला बिलकूल घाबरत नाही, असे वक्तव्य काँग्रेस अध्यक्ष राहुल गांधी यांनी केले. ते शनिवारी बिहारमधील प्रचारसभेत बोलत होते. यावेळी त्यांनी बेरोजगारीच्या मुद्द्यावरून पंतप्रधान नरेंद्र मोदी यांना लक्ष्य केले. राहुल यांनी म्हटले की, तरुणांमधील बेरोजगारीमुळे पंतप्रधान मोदी देशात द्वेष पसरवत आहेत. त्यांनी पाच वर्षे 'मन की बात' हा फ्लॉप शो चालवला. पाच वर्षे हाच शो पाहून लोकही कंटाळलेत. आता भाजप सरकार बदलण्याची वेळ आली आहे, अशी टीका यावेळी राहुल गांधी यांनी केली.
मोदींनी सर्वप्रथम मला पंतप्रधान करा, असे सांगितले. मी पंतप्रधान झाल्यावर तुम्हाला दिलेली आश्वासने पूर्ण करू, असेही त्यांनी म्हटले होते. मात्र, आता ते आम्ही सर्व चौकीदार असल्याचे म्हणतात. चौकीदार हा गरिबांच्या घरात असतो की श्रीमंतांच्या घरात? मोदी चौकीदार आहेत, हे नक्की, पण ते गरिबांचे नव्हे तर अंबानी यांच्यासरख्या श्रीमंत लोकांचे चौकीदार आहेत, असेही राहुल यांनी म्हटले.
Congress President Rahul Gandhi in Purnia: Pehle kehte the mujhe PM banao jo bhi chahte ho mil jaega, ab kehte hain ki hum sab chowkidaar. Chowkidaar gareebon ke ghar main milta hai ya ameeron ke? Vo hain chowkidaar, magar gareebo ke nahi, Anil Ambani ke chowkidaar hain.#Bihar pic.twitter.com/uzVlacQjjv
— ANI (@ANI) March 23, 2019
Congress President Rahul Gandhi in Purnia: Main Narendra Modi, BJP, aur RSS se nahi darta, mai sirf ek chiz se darta hun, main sirf sachhai ko maanta hun. Bihar ke yuvaon jaag jao, har roz aap ke jeb se paisa loota ja raha hai. #Bihar (original tweet will be deleted) https://t.co/i4RRY569vB
— ANI (@ANI) March 23, 2019
जेव्हा तुमचे पंतप्रधान भेटायला येतील तेव्हा विचारा की तुम्ही १५ लाखांसंदर्भात लोकांची फसवणूक का केली? दोन कोटी रोजगारांचं खोटे आश्वासन का दिले? जोपर्यंत तुम्ही तुमच्या हक्कांविषयी आवाज उठवणार नाही, तोपर्यंत काही बदलणार नाही, असेही यावेळी राहुल यांनी सांगितले.