क्रेडिट कार्ड तर घेतलंय, पण वापरलंच नाही; तरीही होऊ शकते आर्थिक नुकसान

Credit Card Update: आजच्या काळात क्रेडिट कार्डचे वापर वाढला आहे. क्रेडिट कार्डवर अनेक ऑफर्स मिळतात त्याचबरोबर अडचणींच्या वेळी कधी कधी क्रेडिट कार्डचा वापर केला जातो. मात्र, अनेकदा क्रेडिट कार्डवर असलेल्या ऑफर्समुळं एकापेक्षा जास्त क्रेडिट कार्ड खरेदी केले जातात. अशावेळी या क्रेडिट कार्डचा उपयोगही होत नाही आणि असेच पडून राहतात. पण तुम्हाला माहितीये का क्रेडिट कार्डचा न वापरता असेच पडून राहिले असतील त्याचे मोठे नुकसान सोसावे लागते. तुमच्याकडे एकापेक्षा जास्त क्रेडिट कार्ड असतील आणि ते वापरात नसतील तर, काय घडू शकतं. 

आजच्या काळात क्रेडिट कार्डचा वापर सर्रास केला जातो. छोट्या छोट्या गोष्टीसाठी क्रेडिट कार्ड वापरले जाते. क्रेडिट कार्ड घेताना एक काळजी घ्यावी लागती ती म्हणजे कार्डचे बिल वेळोवेळी भरावे लागते. पण जर एकापेक्षा जास्त क्रेडिट कार्ड असतील तर मात्र अडचणी येतात. अशावेळी हे क्रेडिट कार्ड वापरले नाही तर काय होऊ शकतं, जाणून घेऊया. 

क्रेडिट स्कोअर

कर्ज घेण्यासाठी क्रेडिट स्कोअर चांगला असणं खूप गरजेचे आहे. जर तुम्हाला तुमचा क्रेडिट स्कोअर सुधारायचा असेल तर यासाठी क्रेडिट कार्डचा वापर केला जातो. तुम्ही क्रेडिट कार्डद्वारे नियमित पेमेंट केल्यास आणि वेळेवर बिल भरल्यास, तुमचा क्रेडिट स्कोअर सुधारेल. त्याच वेळी, जर तुमच्याकडे क्रेडिट कार्ड असेल आणि ते वापरत नसेल, तर त्याचा तुमच्या क्रेडिट स्कोअरवर परिणाम होऊ शकतो आणि क्रेडिट स्कोअरमध्ये थोडीशी घसरण होऊ शकते.

निष्क्रियता शुल्क

अशा अनेक कंपन्या आहेत ज्या काही क्रेडिट कार्डांवर निष्क्रियता शुल्क देखील आकारतात. अशा परिस्थितीत, जर तुमचे कार्ड त्या श्रेणीत येत असेल आणि तुम्ही तुमचे क्रेडिट कार्ड वापरत नसाल, तर त्यावर निष्क्रियता शुल्क देखील लागू केले जाऊ शकते.

वार्षिक शुल्क

जेव्हा क्रेडिट कार्ड जारी केले जाते तेव्हा त्यावर जॉइनिंग चार्ज असतो. यासोबतच वार्षिक शुल्कही आकारले जाते. याशिवाय, लोकांना क्रेडिट कार्डवर मर्यादा देखील सांगितली जाते की त्यांनी एका वर्षात ठराविक रक्कम भरल्यास, त्यांच्या क्रेडिट कार्डवरील वार्षिक शुल्क माफ केले जाईल. अशा परिस्थितीत जर तुम्ही तुमचे क्रेडिट कार्ड वापरत नसाल तर तुम्हाला ते वार्षिक शुल्क भरावे लागेल.

रिवॉर्ड आणि डिस्काउंट 

जर तुम्हाला तुमच्या क्रेडिट कार्डवर कोणतेही रिवॉर्ड मिळाले असेल किंवा तुम्हाला कोणत्याही ऑफर अंतर्गत सूट मिळत असेल परंतु तुम्ही क्रेडिट कार्ड वापरत नसाल, तर तुम्ही या रिवॉर्ड्स आणि सवलतींचा लाभ घेऊ शकणार नाही.