आई 8 वी पास आणि वडील मॅकेनिक; सरकारी शाळेत शिकलेली मुलगी मोठ्या परिश्रमातून बनली IAS

रांची : केंद्रीय लोकसेवा आयोगाची नागरी सेवा परीक्षा (UPSC civil services Exam) ही देशातील सर्वात कठीण परीक्षा मानली जाते आणि ती उत्तीर्ण होण्यासाठी विद्यार्थ्यांना कठोर परिश्रम करावे लागतात. यूपीएससी परीक्षेत यश मिळविण्यासाठी बहुतेक विद्यार्थ्यांना अनेक वर्षे कठोर परिश्रम करावे लागतात. अशीच एक कहाणी आहे. झारखंडची रहिवासी असलेल्या रेना जमीलची! जिने अनेक अडचणींचा सामना करून नागरी सेवा परीक्षा उत्तीर्ण केली आणि आयएएस अधिकारी होण्याचे स्वप्न पूर्ण केले.

आई आठवी पास आणि वडील मेकॅनिक

आयएएस होण्याचा प्रवास रेना जमीलसाठी सोपा नव्हता, कारण तिच्या कुटुंबाची आर्थिक परिस्थिती फारशी चांगली नव्हती. त्यांची आई नसीम आरा गृहिणी असून त्यांनी आठवीपर्यंत शिक्षण घेतले आहे. तर वडील मेकॅनिक म्हणून काम करायचे. रेना जमीलला चार भावंडे आहेत. कुटुंबाची आर्थिक परिस्थिती चांगली नसतानाही रैनाच्या वडिलांनी मुलांना शिकवण्यात कोणतीही कमतरता पडू दिली नाही. रैनाचा मोठा भाऊ IRS अधिकारी आहे आणि तिचा धाकटा भाऊ प्रसार भारतीमध्ये अभियंता आहे, तर तिची धाकटी बहीणही बीएड करत आहे.

रैनाचे शिक्षण सरकारी शाळेत

रैनाने उर्दू माध्यमाच्या शाळेतून आठवीपर्यंत शिक्षण घेतले आहे. त्यानंतर तिचे पुढील शिक्षण सरकारी शाळेत झाले. ग्रॅज्युएशनपर्यंत ती अभ्यासात सरासरी विद्यार्थिनी होती, पण पोस्ट ग्रॅज्युएशनमध्ये तिने कठोर परिश्रम केले आणि कॉलेजमध्ये टॉप केले.

पदव्युत्तर शिक्षण घेत असताना तिला वन सेवेत आपले करिअर करायचे होते, परंतु तिच्या मोठ्या भावाने सांगितले की ती UPSC परीक्षेद्वारे या क्षेत्रातही करिअर करू शकते. यानंतर तिने यूपीएससी परीक्षेची तयारी सुरू केली आणि आयएएस होण्याचे स्वप्न पाहिले.

2014 मध्ये UPSC परीक्षेची तयारी सुरू 

रेना जमीलने 2014 मध्ये UPSC परीक्षेची तयारी सुरू केली आणि 2016 मध्ये पहिल्यांदा सिव्हिल सर्व्हिसेस परीक्षेत बसून 882 वा क्रमांक मिळवला. यानंतर रैनाला भारतीय माहिती सेवेत निवड झाली आणि तो आयआयएस सेवेत रुजू झाली.

नोकरीसोबत UPSC परीक्षेची तयारी

पहिल्याच प्रयत्नात यश मिळवल्यानंतरही, रेना जमीलने UPSC परीक्षेची तयारी थांबवली नाही आणि 2017 साली दुसऱ्यांदा बसली, पण प्रिलिम परीक्षेतच ती नापास झाली.

नोकरीतून ब्रेक घेऊन यश संपादन केले

प्रिलिममध्ये नापास झाल्यानंतर रेना जमीलने नोकरीतून ब्रेक घेतला आणि मेहनत घेऊन यूपीएससी परीक्षेची तयारी सुरू केली. 2018 च्या परीक्षेत त्याने 380 वा क्रमांक मिळवून IAS होण्याचे स्वप्न पूर्ण केले. 

2019 मध्ये, रैनाची पहिली पोस्टिंग छत्तीसगडच्या बस्तर जिल्ह्यात प्रशिक्षणार्थी म्हणून झाली होती. यानंतर ती सहाय्यक जिल्हाधिकारी झाली आणि पुढील पदावर तिला SDM म्हणून मिळाले.