गुंतवणुकीसाठी तयार रहा, ही फायनान्स कंपनी आणतेय आपला IPO

utkarsh small finance bank ipo : उत्कर्ष स्मॉल फायनान्स बँक (SFB) ला सिक्युरिटीज अँड एक्सचेंज बोर्ड ऑफ इंडिया (SEBI) कडून IPO तून 500 कोटी रुपये उभारण्याची मंजुरी मिळाली आहे. IPO कागदपत्रांनुसार, वाराणसी-मुख्यालय असलेल्या कंपनीचा IPO नवीन समभागांच्या स्वरूपात असेल. उत्कर्ष स्मॉल फायनान्स बँकेला त्याची संपूर्ण रक्कम मिळेल.

कंपनी प्री-आयपीओ प्लेसमेंट राऊंडमध्ये 100 कोटी रुपयांपर्यंतचे सिक्युरिटीज जारी करण्याचा विचार करू शकते. यामुळे नवीन IPO चा आकार कमी होईल. मंगळवारी सेबीच्या वेबसाइटवर उपलब्ध माहितीनुसार, कंपनीने ऑगस्टमध्ये नियामकाकडे नवीन कागदपत्रे सादर केली होती.

21 ऑक्टोबर रोजी आयपीओसाठी सेबीचा निष्कर्ष जारी करण्यात आला होता. कोणत्याही कंपनीला IPO आणण्यासाठी सेबीचा 'निष्कर्ष' आवश्यक असतो. कंपनीने यापूर्वी मार्च 2021 मध्ये IPO साठी SEBI कडे कागदपत्रे सादर केली होती आणि तिला गेल्या वर्षी जूनमध्ये IPO आणण्यासाठी बाजार नियामकाची मान्यता मिळाली होती, परंतु ती IPO आणू शकली नाही. या वर्षी ऑगस्टमध्ये त्यांनी पुन्हा कागदपत्रे सादर केली, परंतु आयपीओचा आकार कमी केलाय.

उत्कर्ष स्मॉल फायनान्स बँकेत एफडी (Utkarsh Small Finance FD Rates) करण्याचा विचार करत असाल, तर आम्ही तुम्हाला या बँकेकडून वेगवेगळ्या कालावधीसाठी दिल्या जाणाऱ्या व्याजदरांबद्दल सांगणार आहोत. बँकेने आपल्या FD योजनेतील व्याजदर 2 कोटी रुपयांपर्यंत वाढवण्याचा निर्णय घेतला आहे. नवीन दर 17 ऑक्टोबर 2022 पासून लागू करण्यात आले आहेत.

बँक 7 दिवस ते 10 वर्षांच्या कालावधीत मुदत ठेवी देत ​​आहे. जे सामान्य नागरिकांसाठी 4.00% ते 6.25% पर्यंत आहे. सार्वजनिक आणि ज्येष्ठ नागरिकांसाठी 4.75% ते 7.00%. दुसरीकडे, उत्कर्ष स्मॉल फायनान्स बँकेत, 700 दिवसांत मॅच्युअर होणाऱ्या ठेवींवर आता सर्वसामान्यांसाठी 7.75% आणि ज्येष्ठ नागरिकांसाठी 8.50% व्याजदर मिळेल.