Gandhi Jayanti : जेव्हा केवळ 4 रुपयांसाठी कस्तुरबांवर रागावले होते महात्मा गांधी; वाचा किस्सा

Mahatma Gandhi : राष्ट्रपिता महात्मा गांधी (mahatma gandhi) यांची आज 153 वी जयंती आहे. भारतात आज महात्मा गांधी जयंती साजरी करण्यात येत आहे. या विशेष प्रसंगी ठिकठिकाणी कार्यक्रम आयोजित करण्यात आलंय. आजच्या दिवशी लोक महात्मा गांधींचे (mahatma gandhi) स्मरण करून त्यांनी दाखविलेल्या मार्गावर चालण्याची शपथ घेतात. त्याच वेळी, जग हा विशेष दिवस आंतरराष्ट्रीय अहिंसा दिन म्हणून साजरा करते. 

अहिंसा हे महात्मा सर्वात मोठे शस्त्र होते. त्यांनी जीवनभर सत्य आणि अहिंसा आणली. मोहनदास करमचंद गांधी यांच्याशी संबंधित अशा अनेक कथा आहेत, ज्या कदाचित सर्वांना माहीत असतील. असाच एक किस्सा आहे, जेव्हा गांधीजी आपल्या पत्नी कस्तुरबा गांधी यांच्यावर (kasturba gandhi) अवघ्या 4 रुपयांसाठी रागावले होते.

या घटनेचा खुलासा खुद्द महात्मा गांधींनी 1929 मध्ये एका लेखात केला होता. त्यांनी प्रकाशित केलेल्या नवजीवन या साप्ताहिकात या घटनेचा उल्लेख करण्यात आला आहे. गांधीजी एकदा पत्नी कस्तुरबा (kasturba gandhi) यांच्यावर रागावले होते कारण त्यांनी त्यांच्याकडे अवैधरित्या चार रुपये ठेवले होते.

वृत्तसंस्था पीटीआयच्या म्हणण्यानुसार, गांधी म्हणायचे की कस्तुरबा यांच्याकडे अनेक गुण आहेत, पण त्यांच्यात दोष देखील होते. ज्याचा त्यांच्या गुणांवर परिणाम झाला. गांधीजी म्हणतात की, "त्यांनी पत्नी असण्याचे कर्तव्य चोख बजावले आणि तिच्याकडे असलेल्या सर्व पैशाची माहिती दिली, तरीही तिच्यामध्ये सांसारिक इच्छा कायम होती."

गांधीजी सांगतात की, "काही अनोळखी लोकांनी कस्तुरबा यांना चार रुपये दिले. मात्र कार्यालयात पैसे भरण्याऐवजी स्वत:कडेच ठेवले. एक-दोन वर्षांपूर्वी, त्यांनी (कस्तुरबा) आपल्याजवळ पैसे ठेवले होते जे वेगवेगळ्या प्रसंगी वेगवेगळ्या व्यक्तींकडून भेट म्हणून मिळाले होते. आश्रमाचे नियम असे आहेत की कोणीही कोणाकडून मिळालेली कोणतीही भेट स्वतःजवळ ठेवू शकत नाही. तेव्हा ते चार रुपये आपल्याकडे ठेवणे बेकायदेशीर होते."

गांधीजी त्यांच्या लेखात पुढे म्हणतात, "चोर आश्रमात शिरले तेव्हा पत्नीचा गुन्हा उघड झाला. सुदैवाने ते ज्या खोलीत गेले, त्या खोलीत त्यांना काहीही सापडले नाही. मात्र, जेव्हा आश्रमवासीयांना ही गोष्ट कळली तेव्हा कस्तुरबा खूप घाबरल्या होत्या."

गांधी पुढे लिहीतात की हे कळल्यानंतर कस्तुरबांनी नम्रपणे पैसे परत केले आणि शपथ घेतली की ती पुन्हा कधीही करणार नाही. गांधींच्या म्हणण्यानुसार, "माझा विश्वास आहे की त्यांच्या प्रामाणिकपणाचा पश्चात्ताप होता. भूतकाळात चूक झाली असेल किंवा भविष्यात ती पुन्हा तीच गोष्ट करताना पकडली गेली तर ती मला आणि आश्रम सोडून जाईल, असा त्यांनी संकल्प केला आहे."