मुंबई : गाडी चालवण्यासाठी आपल्याला ड्रायव्हिंग लायसन्स गरजेचा आहे, मग ती कार असो किंवा दुचाकी. यासाठी आपल्याला RTO मध्ये जावं लागतं आणि हे RTOचं भारतात कार, बाईक किंवा इतर वाहन चालवण्याचा परवाना म्हणजेच लायसन्स देतात. परंतु कोणत्याही व्यक्तीला वाहनाचं लायसन्स मिळवण्यासाठी आरटीओच्या नियमांतून जाऊन ड्रायव्हिंग टेस्ट द्यावी लागते आणि ड्रायव्हिंग चाचणी उत्तीर्ण झाल्यानंतर, आरटीओ तुम्हाला ड्रायव्हिंग लायसन्स जारी करते.
परंतु तुम्हाला माहितीय का की, देशात अनेक प्रकारचे ड्रायव्हिंग लायसन्स जारी केले जातात, ज्याबद्दल आम्ही तुम्हाला आज या लेखात सांगत आहोत.
भारतात साधारणपणे चार प्रकारचे ड्रायव्हिंग लायसन्स दिले जातात. ते म्हणजे शिकाऊ ड्रायव्हिंग लायसन्स, कायमस्वरूपी ड्रायव्हिंग लायसन्स, व्यावसायिक वाहन चालविण्याचा लायसन्स आणि आंतरराष्ट्रीय ड्रायव्हिंग लायसन्स.
जर तुम्ही पहिल्यांदाच ड्रायव्हिंग लायसन्ससाठी अप्लाय करत असाल, तर तुम्हाला प्रथम शिकाऊ ड्रायव्हिंग लायसन्ससाठी अर्ज करावा लागेल. हा परवाना ड्रायव्हिंग शिकण्यासाठी दिला जातो. त्याची वैधता फक्त सहा महिन्यांसाठी असती, जी सर्व प्रकारच्या ड्रायव्हिंग लायसन्समध्ये सर्वात लहान आहे.
लर्निंग ड्रायव्हिंग लायसन्स जारी झाल्यानंतर एक महिन्यानंतर, कोणीही कायमस्वरूपी ड्रायव्हिंग लायसन्ससाठी अर्ज करू शकतो.
हा आतापर्यंतचा सर्वात लोकप्रिय ड्रायव्हिंग लायसन्स आहे. लर्नर ड्रायव्हिंग लायसन्स मिळाल्यानंतर, कायमस्वरूपी ड्रायव्हिंग लायसन्ससाठी अर्ज करता येतो. त्यामुळे, शिकाऊ वाहन चालविण्याचा परवाना संपण्यापूर्वी, एखाद्याने कायमस्वरूपी वाहन चालविण्याच्या परवान्यासाठी अर्ज केला पाहिजे. ड्रायव्हिंग चाचणी उत्तीर्ण झाल्यानंतर, आरटीओ कायमस्वरूपी ड्रायव्हिंग लायसन्स जारी करते.
हा ड्रायव्हिंग लायसन्स व्यावसायिक वाहन चालवण्यासाठी दिला जातो. व्यावसायिक ड्रायव्हिंग लायसन्सच्या तीन श्रेणी आहेत - हेवी मोटार वाहन, मध्यम मोटार वाहन आणि हलके सामान वाहतूक मोटार वाहन.
व्यावसायिक वाहन चालविण्याचा परवाना मिळविण्याची पात्रता थोडी वेगळी आहे. मात्र, त्यासाठी अर्ज करण्याची प्रक्रिया कायमस्वरूपी ड्रायव्हिंग लायसन्सप्रमाणेच आहे.
नावाप्रमाणे, हा लायसन्स भारतीय नागरिकांना परदेशात वाहन चालवण्यासाठी दिला जातो. तुम्ही भेट देत असलेल्या देशाच्या अधिकार्यांना तुमच्या ड्रायव्हिंग क्षमतेची तपासणी करण्यासाठी RTO हे परमिट एकाधिक भाषांमध्ये प्रिंट करते. ही परवानगी मिळविण्यासाठी कायमस्वरूपी वाहन चालविण्याचा परवाना असणे आवश्यक आहे. या परमिटची वैधता एक वर्षाची आहे.