देशात कोणत्या राज्यात कोरोनाचे किती रुग्ण आहेत, या राज्यात सर्वाधिक मृत्यू

मुंबई : कोरोचा फैलाव होत असताना रुग्ण संख्येत घट होताना दिसत आहे. ही एक समाधानाची बाब आहे. मात्र, देशात सर्वाधिक मृत्यूचे प्रमाण महाराष्ट्र, गुजरात आणि मध्य प्रदेशात दिसून येत आहे. त्यानंतर दिल्लीचा क्रमांक लागत आहेत. देशात कोरोनाबाधितांची संख्या आता  २० हजार ४७१  झाली आहे. आतापर्यंत या आजाराने एकूण ६५२ जण मरण पावले आहेत तर ३ हजार ९६० रुग्ण बरे झाले आहेत. त्यांना घरी सोडण्यात आले असून आतापर्यंत ६५२ कोरोना बाधित रुग्णांचा मृत्यू झाला आहे.

देशात कोरोनाचे २० हजार ४७१ रुग्ण

महाराष्ट्रात २६९ जणांचा मृत्यू झाला आहे. तर ७८९ रुग्ण ठणठणीत बरे झाले आहेत. गुजरात राज्यात कालपर्यंत ९५ कोरोना बाधित रुग्णांचा मृत्यू झाला आहे. तर मध्य प्रदेशात ८० रुग्णांचा मृत्यू झाला असून दिल्लीत कोरोनाचे ४७ बळी गेले आहेत.

दरम्यान, जगभरात कोरोना विषाणूची आकडेवारी दररोज वेगाने वाढत आहे. ताज्या माहितीनुसार, जगभरात आता कोविड -१९ संसर्गाचे २५, ६१, ९१५ रुग्ण झाले आहेत. १,७७,२०० लोकांचा मृत्यू झाला आहे. दरम्यान, आतापर्यंत ६,८१,२१६ कोरोना बाधित रुग्ण बरे झाले आहेत.

कोरोनाच्या सर्वाधिक बळी पडलेल्या देशांबद्दल सांगायचे झाले तर अमेरिका आणि कॅनडामध्ये आतापर्यंत एकूण ८,४१, ५८४ लोकांना बाधा झाली आहे. यात ४४,९८२ लोकांना आपला जीव गमवावा लागला आहे. युरोपमध्येच मृतांचा आकडा १, ०९, ३८१ झाला आहे . तर १२, ३४, ३४० लोकांना कोरोनाची बाधा झाली  आहे. 

कोरोना - देशातील राज्यांची आकडेवारी पाहा

Source - Ministry of Health and Family Welfare Government of India (कालपर्यंतची आकडेवारी आहे.)

COVID-19 Statewise Status (Click to expand)