सेलिब्रिटी हेअर स्टायलिस्ट जावेद हबीब यांचा भाजपमध्ये प्रवेश
प्रवेश करत ते म्हणाले.....
)
नवी दिल्ली : लोकसभा निवडणुकांची रणधुमाळी सुरू असतानाच राजकीय. पटलावर होणाऱ्या हालचालींनीही सध्या चांगलाच जोर धरला आहे. त्यातच आता आणखी एक बातमी समोर येत आहे. नवी दिल्ली येथे सेलिब्रिटी हेअर स्टायलिस्ट जावेद हबीब यांनी सोमवारी भाजपमध्ये प्रवेश करत एक नवी जबाबदारी आपल्या खांद्यांवर घेतली आहे.
Delhi: Prominent Hair Stylist Jawed Habib joins Bharatiya Janata Party, says 'Aaj tak main baalon ka chowkidar tha, aaj mein desh ka chowkidar ban gaya hoon' pic.twitter.com/eazgktBHL1
— ANI (@ANI) April 22, 2019
'पंतप्रधान नरेंद्र मोदी हे आपण गतकाळात एक चहा विक्रेता होतो, हे अभिमानाने सांगत असतील तर, मी एक न्हावी असल्याचा उल्लेख करण्यास लाज का बाळगू', असं हबीब म्हणाले. जवळपास पाचशेहून अधिक हेअर सलुन असणाऱ्या जावेद हबीब यांनी या क्षेत्रात बरीच प्रसिद्धी मिळवली आहे. भारतात विविध ठिकाणी त्यांच्या या सलुनच्या शाखा आहेत. ज्यामध्ये तीन आंतरराष्ट्रीय शाखांचाही समावेश आहे.