Uric Acid : तुम्हालाही युरिक अ‍ॅसिडचा त्रास आहे का? मग 'या' नैसर्गिक उपायांनी ठेवा नियंत्रणात

Reduce Uric Acid News In Marathi : ज्याप्रमाणे रक्तातील साखरेची किंवा कोलेस्टेरॉलची पातळी वाढल्याने अनेक गंभीर आणि जीवघेण्या समस्या उद्भवू शकतात, त्याचप्रमाणे यूरिक अ‍ॅसिडच्या पातळीत वाढणे हे देखील आरोग्यासाठी अत्यंत घातक ठरु शकतं. युरिक अ‍ॅसिड असलेल्या अन्नामुळे शरीरात मोठ्या प्रमाणात प्युरिन जमा होतात. युरिक अ‍ॅसिड नलिकांमधून बाहेर पडू शकत नसल्यामुळे त्यांचे रूपांतर लहान दगडांमध्ये होते. हे स्टोन सांधे किंवा मूत्रपिंडात जमा होण्यास सुरुवात होते. त्याची पातळी वाढल्याने असह्य वेदना होतात. यामुळेच कदाचित हाता पायांना मुंग्या येत असतात. 

यूरिक ऍसिड हे आपल्या शरीरात तयार होणारे केमिकल आहे. म्हणूनच ते नियंत्रणात ठेवणे अत्यंत आवश्यक आहे. महिलांमध्ये यूरिक ऍसिडची सामान्य पातळी 3.5 ते 6 mg/dL असते. पुरुषांमध्ये यूरिक ऍसिडची सामान्य पातळी 4 ते 6.5 mg/dL मानली जाते. जेव्हा यूरिक ऍसिडचे प्रमाण सामान्य पातळीपेक्षा जास्त होते तेव्हा ते शरीराच्या वेगवेगळ्या भागांमध्ये जमा होतात. यावर तुम्ही औषधांऐवजी नैसर्गिकरित्या नियंत्रित करणे आवश्यक आहे, काही नैसर्गिक उपाय तुमच्यासाठी योग्य असू शकतात.

युरिक अ‍ॅसिड कधी होते?

अल्कोहोलच्या अतिसेवनाने यूरिक ऍसिडची पातळी वाढू शकते. जर यूरिक ऍसिडची पातळी बऱ्याच काळासाठी नियंत्रित ठेवलात नाही तर सांध्यामध्ये क्रिस्टल्स जमा होऊ लागतात, ज्यामुळे हायपरयुरिसेमिया नावाची स्थिती उद्भवते, ज्यामुळे संधिवात होतो. युरिक ऍसिडचे प्रमाण वाढल्याने सांध्यांना वेदना आणि सूज येते.

युरिक अ‍ॅसिडची पातळी नियंत्रणात ठेवण्यासाठी उपाय

काही औषधी वनस्पतींचे सेवन केल्याने युरिक ऍसिड नियंत्रणात राहू शकते. या औषधी वनस्पतींचे पावडर स्वरूपात सेवन केल्यास युरिक ऍसिडची पातळी सहज नियंत्रित करता येते. गोखरू, सुंठ, मेथी आणि अश्वगंधा यांचे सेवन केल्याने युरिक ऍसिड नियंत्रित राहण्यास मदत होते. 

जर यूरिक ॲसिडची पातळी सामान्यपेक्षा जास्त असेल तर तुम्ही गोखरू, सुंठ, मेथी आणि अश्वगंधा यांचे चूर्ण सेवन करावे. गोखरू ही एक अद्भुत औषधी वनस्पती आहे जी पोटॅशियम आणि नायट्रेटने समृद्ध आहे आणि त्यात रक्तदाब वाढवणारा पदार्थ देखील आहे. किडनी स्टोनसाठी औषधी वनस्पती दगडांचे लहान तुकडे करतात आणि किडनीचे आरोग्य सुधारतात. तुम्ही गोखरूची पावडर आणि डेकोक्शन दोन्ही खाऊ शकता. 400 ग्रॅम पाण्यात गोखरू उकळवा, 10 ग्रॅम उरले की ते पाणी थंड करुन प्या. 

सुक्या आल्यामध्ये जिंजरॉल असते आणि त्यात पोटॅशियम, झिंक, लोह, जीवनसत्त्वे, कॅल्शियम आणि बीटा कॅरोटीन देखील असते. जे रोगप्रतिकारक शक्ती मजबूत करते आणि शरीर निरोगी ठेवते. ज्यांना युरिक ऍसिड जास्त आहे त्यांनी कारडे आले खावं. त्यामुळे साध्याच्या दुखण्यापासून आराम मिळेल. कोरडे आले आणि एक चमचा मेथीचे दाणे गोखरूमध्ये मिसळल्याने युरिक ॲसिड कमी होण्यास मदत होते. हे वेदना आणि सूज नियंत्रित करते. अश्वगंधा दाहक-विरोधी गुणधर्मांनी समृद्ध आहे आणि शरीरातील वेदना आणि सूज दूर करण्यासाठी प्रभावी आहे.

तसेच गोखरू, सुंठ, मेथी आणि अश्वगंधा एकत्र करून मिक्सरमध्ये बारीक वाटून पावडर बनवा. हे चूर्ण औषध म्हणून सकाळी आणि संध्याकाळी घ्या, तुम्हाला स्पष्ट फरक दिसेल. या पावडरचे सेवन केल्याने सांधेदुखीपासून आराम मिळतो, सूज कमी होते आणि युरिक ॲसिड नियंत्रणात राहते.