Mumbai Corona: दिलासादायक! गेल्या 24 तासांत 840 रूग्णांची नोंद

मुंबई : देशाची आर्थिक राजधानी मुंबईत कोरोनाचे 840 नवे रुग्ण आढळले आहेत. मोठी बाब म्हणजे शुक्रवारच्या तुलनेत आज 1058 केसेस कमी आल्या आहेत. तर शुक्रवारी कोरोनाची 1898 प्रकरणं नोंदवली गेली आणि दोन लोकांचा मृत्यू झाला. मात्र, यामागे आयसीएमआरच्या पोर्टलमधील त्रुटींना जबाबदार धरलं जातंय. 

बृहन्मुंबई महानगरपालिकेने जारी केलेल्या आकडेवारीनुसार, मुंबईत आतापर्यंत 11 लाख 4 हजार 600 कोरोनाबाधित रुग्ण आढळले आहेत. त्यापैकी 19 हजार 594 जणांचा मृत्यू झाला आहे.

बीएसएमच्या म्हणण्याप्रमाणे, गेल्या 24 तासांत मृत्यू पावलेल्या तीन लोकांपैकी दोन पुरुष सामील आहेत. एका व्यक्तीचे वय 94 वर्षे आणि दुसऱ्याचे 77 वर्षे होतं. तर मृत पावलेली तिसरी एक 63 वर्षीय महिला असल्याची माहिती आहे.

बीएसएमच्या आकडेवारीनुसार, गेल्या 24 तासांत 2051 लोक कोरोनापासून बरे झालंत. त्यानंतर बरे होणाऱ्यांची संख्या 10 लाख 72 हजार 963 झाली आहे. शहरात आता कोरोनाचे 12 हजार 43 एक्टिव्ह रुग्ण आहेत. त्यापैकी केवळ 92 रुग्ण रुग्णालयात दाखल आहेत. 

मुंबईत शनिवारी कोरोनाच्या 7 हजार 733 चाचण्या करण्यात आल्या. मुंबईचा रिकव्हरी रेट 97 टक्के आहे, तर 18 ते 24 जून दरम्यान केसेसचा एकूण वाढीचा दर 0.16 टक्के आहे.