Heart Attack : तुम्हीही नकळत अशी चूक करत आहात का? यामुळे येऊ शकतो हृदयविकाराचा झटका

मुंबई : जगभरात हृदयविकाराचा झटका हा गंभीर आजार बनला आहे.  भारतातही हृदयरुग्णांची संख्या करोडोंच्या घरात आहे. याला तरुणांपासून ते अगदी वृद्धांपर्यंत सर्वच जण बळी पडतात. मात्र आजकाल तरूण या आजाराला सर्वात बळी पडत असून त्यांना आपला जीव गमवावा लागत आहे आणि ही चिंतेची बाब आहे. बहुतेक प्रकरणांमध्ये, हृदयविकार अनुवांशिक नसतो, त्याला आपली जीवनशैली आणि खाण्याच्या सवयी जबाबदार असतात.

तुम्हालाही हा आजार टाळायचा असेल, तर तुमच्या दैनंदिन जीवनातील सवयी बदलल्या पाहिजेत. अन्यथा या गंभीर समस्येला सामोरं जावं लागू शकतं.

चला मग जाणून घेऊ या की, हार्ट अटॅक टाळण्यासाठी कोणत्या चुका आपण अजिबात करू नये.

1. कमी झोप

आरोग्य चांगले राहण्यासाठी बहुतेक आरोग्य तज्ञ दिवसातून किमान ७ ते ८ तास झोपण्याची शिफारस करतात. ज्या लोकांना पुरेशी झोप मिळत नाही त्यांना हृदयविकाराचा धोका वाढतो.

2. वायू प्रदूषण

अनेक संशोधनांमध्ये हे सिद्ध झाले आहे की, मोठ्या शहरांच्या तुलनेत खेड्यातील लोकांना हृदयविकाराचा झटका कमी येतो, कारण ते स्वच्छ हवेत श्वास घेतात, तर महानगरांबद्दल सांगायचे तर धूर आणि धुळीचे कण आपल्या हृदयाचे खूप नुकसान करतात. त्यामुळे ते टाळण्याचा प्रयत्न करा.

3. धूम्रपान आणि मद्यपान

सिगारेट आणि अल्कोहोलमुळे आपल्या शरीराचे खूप अंतर्गत नुकसान होते हे आपणा सर्वांना माहीत आहे. या वाईट सवयींमुळे रक्तदाब वाढतो, जो पुढे हृदयविकाराचे कारण बनतो.

4. अत्यधिक थंड तापमान

जर तुम्ही सतत खूप थंड तापमानाच्या संपर्कात असाल, तर अशा स्थितीत रक्तवाहिन्या आकुंचन पावू लागतात आणि ते उच्च रक्तदाबाचे कारण बनते. या दौऱ्यात जड उपक्रम केल्यास हृदयविकाराचा झटकाही येऊ शकतो.

(विशेष सूचना:  इथे दिलेली माहिती सामान्य माहितीवर आधारित आहे. झी 24 तास याची कोणतीही खातरजमा करत नाही. आमचा उद्देश फक्त तुम्हाला माहिती देणं आहे.)