'2020 हे वर्ष कधी संपणार' बॉलिवूडकरांचा सवाल
एका बाजूला कोरोना तर दुसऱ्या बाजूला वायूगळती
)
मुंबई : आंध्रप्रदेशच्या विशाखापट्टनममध्ये गुरूवारी सकाळी केमिकल यूनिटमध्ये मोठ्या प्रमाणात वायूगळती झाली. यामध्ये ६ लोकांचा मृत्यू झाला आहे. तर यामध्ये १०० लोकांची प्रकृती गंभीर आहे. १००० हून अधिक लोकांना हॉस्पिटलमध्ये दाखल करण्यात आलं आहे. या घटनेनंतर बॉलिवूडमध्ये अनेक प्रतिक्रिया समोर आल्या. '२०२० हे वर्ष कधी संपणार?' असा सवाल ट्विटच्या माध्यमातून केला जात आहे.
एका बाजूला कोरोना व्हायरस सारख्या जागतिक साथीच्या रोगाने संपूर्ण देशाला वेढीस धरलं आहे. त्यामध्ये आज झालेल्या या वायूगळतीमध्ये अनेकांच नुकसान झालं आहे. तसेच या दोन्ही गोष्टींचे पडसाद खूप काळापर्यंत उमटणार असल्याचं देखील सांगितलं जात आहे.
Oh my god .. when is 2020 going to end? Horror upon horror .. condolences & prayers for the families who lost dear ones #vizaggasleak
— Tisca Chopra (@tiscatime) May 7, 2020
यावर अभिनेत्री टिस्का चोपडाने ट्विट केलं आहे. 'हे भगवान... केव्हा हे २०२० वर्ष संपणार. हॉररवर हॉरर... कुटुंबियांच्याप्रती शोक व्यक्त केला आहे.'
The #VizagGasLeak is another disaster of 2020. The visuals are devastating.
This is the time for governments to do their bit.
It’s a rough patch this one.— Kubbra Sait (@KubbraSait) May 7, 2020
तसेच अभिनेत्री कुबरा सैतने देखील ट्विट केलं आहे. 'गॅस लीक २०२० मधील ही आणखी एक उद्धवस्त करणारी घटना. या घटनेचे व्हिडिओ मन हेलावणारे आहेत. आता सरकारला काही तरी करायला हवं.'
A plant has to have several safety measures and everyone of them has to fail, for poisonous gas to be released directly into atmosphere..
Only, carelessness of the highest order will allow such an incident..
Hope AP Govt does a detailed investigation..#VizagGasLeak
— Ramesh Bala (@rameshlaus) May 7, 2020
सरकारकडून लॉकडाऊनचे निर्बंध शिथील करण्यात आल्यानंतर आज पहाटे ही कंपनी पुन्हा सुरु करण्यात आली. त्यावेळी काही कामगार प्लांट सुरु करण्याच्या तयारीत होते. तेव्हा अचानकपणे विषारी वायूच्या गळतीला सुरुवात झाली. यामुळे अनेक कामगार जागीच बेशुद्ध पडायला सुरुवात झाली. आतापर्यंत साधारण १७० जणांना रुग्णालयात दाखल करण्यात आले असून २० जण गंभीर आहेत. या विषारी वायूमुळे तीन किमीच्या परिसरावर प्रभाव पडला असून आतापर्यंत एकूण ५ गावांमधील लोकांना सुरक्षित स्थळी हलवण्यात आले आहे.