'लवरात्री' साठी सलमान खानने केली 'वरिना'ची निवड

मुंबई : काही तासांपूर्वी सलमान खानने केलेल्या ट्विटने सोशल मीडियामध्ये आणि सलमान खानच्या चाहत्यांमध्ये अनेक चर्चा, तर्क-वितर्कांना उधाण आलं आहे. 

सलमानचे ट्विट काय ? 

'मुझे लडकी मिल गयी' इतकेच ट्विट सलमान खानने काही तासांपूर्वी केले होते. मात्र ही मुलगी नेमकी कोण? कशासाठी ? सलमान खान लग्न करतोय अशा अनेक चर्चा रंगल्या होत्या. मात्र काही वेळातच सलमान खानने शोधलेली मुलागी ही त्याच्यासाठी नसून सलमान खानचा भावोजी म्हणजेच आयुष शर्मासाठी असल्याचा खुलासा करण्यात आला आहे.  

Mujhe ladki mil gayi

— Salman Khan (@BeingSalmanKhan) February 6, 2018

वरिना आणि आयुष एकत्र झळकणार  

वरिना  हुसेन  ही आयुष शर्मासोबत आगामी चित्रपटामध्ये झळकणार आहे. वरिनाचा फोटो आणि ही माहिती सलमान खानच्या अकाऊंटवरून देण्यात आली आहे.  

Nothing to worry na @aaysharma ki film #Loveratri ke liye ladki mil gayi Warina, Toh dont worry na be happy na pic.twitter.com/uetTpUKRdi

— Salman Khan (@BeingSalmanKhan) February 6, 2018

लवरात्री आगामी चित्रपट 

आयुष शर्माचे कुटुंबीय हे राजकारणात सक्रिय आहेत. मात्र आयुष शर्माला सिनेसृष्टीमध्ये संधी देण्यासाठी सलमान खान पुढे आला आहे. लवरात्री या आगामी चित्रपटातून आयुष हिंदी सिनेमात पदार्पण करणार आहे. 

अभिराज मीनावाला लवरात्री या चित्रपटाचे दिग्दर्शन करणार आहे. यापूर्वी अभिराजने 'सुल्तान' आणि 'फॅन' चित्रपटामध्ये सहाय्यक दिग्दर्शक  म्हणून काम केले आहे.