'बाहुबली २'च्या कमाईबाबत पाहा काय म्हणालाय सलमान खान

मुंबई : बाहुबली २ द कनक्लूजन हा सिनेमा हिंदी सिनेसृष्टीतील सर्व रेकॉर्ड मोडतोय. या सिनेमाने १००० कोटीहून अधिक कमाई केलीये. 

सर्वांनीच या सिनेमाचे कौतुक केलेय. मात्र बॉलीवूडचा दबंग खान याने अद्याप बाहुबली २ पाहिलेला नाहीये. बाहुबली २ करत असलेच्या प्रचंड कमाईबद्दल सलमानने नुकतेच एक विधान केलेय. 

ट्यूबलाईट या आगामी सिनेमाच्या ट्रेलर लाँचदरम्यान सलमानने हे विधान केलेय. सलमान म्हणाला, बाहुबली ४ वर्षात बनलाय. त्यानंतर हा सिनेमा इतकी कमाई करतोय आणि मी दोन वर्षात सिनेमा करतो त्यामुळे ४ वर्षातील माझ्या सिनेमांच्या कमाईची सरासरी काढल्यास तितकीच होईल.