इथे 'पुष्पा 2'चा ट्रेलर रिलीज होणार, तर ट्रेलरनंतर अल्लू अर्जुन 2 दिवसांनी चाहत्यांना देणार मोठं सरप्राईज

Pushpa 2: The Rule : 'पुष्पा 2: द रुल' हा चित्रपट या वर्षातील बहुप्रतिक्षित चित्रपटांपैकी एक आहे. ज्याची प्रेक्षक आतुरतेने वाट पाहत आहेत. कमालीच्या टीझरनंतर चित्रपट मोठ्या पडद्यावर कधी येणार याची उत्सुकता प्रेक्षकांना आहे. यामुळे ट्रेलरसाठी नक्कीच चाहत्यांचा उत्साह वाढला आहे. सर्वात मोठ्या चित्रपटाचा ट्रेलर लवकरच प्रेक्षकांच्या भेटीला येणार आहे.

दरम्यान, 'पुष्पा 2'च्या निर्मात्यांनी 17 नोव्हेंबर 2024 रोजी नियोजित असलेल्या ट्रेलर रिलीजची बहुप्रतिक्षित घोषणा केली आहे. सोशल मीडियावर या उत्कंठावर्धक घोषणेबरोबरच त्यांनी एक जबरदस्त पोस्टर देखील शेअर केले आहे. ज्याद्वारे नवीन लूकमध्ये अडाणी पुष्पराज दिसून येत आहे. ज्यामध्ये त्याच्या हातात बंदूक असून तो पूर्ण स्वॅगमध्ये चालत आहे.

अल्लू अर्जुन देणार चाहत्यांना सरप्राईज

'पुष्पा 2' चित्रपटाबद्दल चाहत्यांमध्ये प्रचंड उत्सुकता आहे. अशाच या चित्रपटाच्या ट्रेलर रिलीजची घोषणा जाहीर करण्यात आली आहे. यासोबत अल्लू अर्जुन त्याच्या चाहत्यांना खास सरप्राईज देखील देणार असल्याचं म्हटलं जात आहे. पण हे सरप्राईज भारतीयांसाठी नाहीये. ज्यामध्ये 'पुष्पा 2' चित्रपटाचा पहिला भाग पुन्हा एकदा प्रदर्शित होणार आहे. हा चित्रपट 19 नोव्हेंबर रोजी प्रदर्शित होणार आहे. भारतात नाही तर अमेरिकेत या चित्रपटाच्या आगाऊ बुकिंगला सुरुवात झाली आहे. भारतात देखील 'पुष्पा' चित्रपट प्रदर्शित होण्याची शक्यता वर्तवली जात आहे. परंतु अद्याप अशी कोणतीही माहिती समोर आलेली नाहीये. 

'पुष्पा 2' हा चित्रपट खऱ्या अर्थाने एक ब्रँड बनला आहे. ज्याची सोशल मीडियावर प्रचंड चर्चा सुरु आहे. चित्रपटाच्या सिग्नेचर ट्यूनपासून ते पुष्पा पुष्पा आणि अंगारों या गाण्यांपर्यंत चित्रपटाच्या संगीताला प्रेक्षकांनी प्रचंड प्रेम दिले आहे. जे चित्रपटांच्या प्रदर्शनासाठी एक परिपूर्ण टोन सेट करते. हा अत्यंत यशस्वी 'पुष्पा: द राइज'चा सर्वात अपेक्षित सीक्वल आहे. प्रत्येकजण आतुरतेने वाट पाहत असलेला हा सर्वात मोठा चित्रपट आहे. चित्रपटाची देशव्यापी क्रेझ निर्विवाद आहे. आता ट्रेलरची घोषणा झाली आहे. चाहत्यांमध्ये उत्साह स्पष्ट आहे.

या दिवशी 'पुष्पा 2' प्रदर्शित होणार 

पुष्पा 2: द रुल, सुकुमार दिग्दर्शित आणि अल्लू अर्जुन, रश्मिका मंदान्ना आणि फहद फासिल यांचा समावेश आहे. चित्रपटाची निर्मिती Mythri Movie Makers आणि T Series वर संगीत असलेल्या सुकुमार यांनी केली आहे. हा चित्रपट 5 डिसेंबर 2024 रोजी प्रदर्शित होणार आहे.