मिलिंद सोमणसोबत न्यूड फोटोशूट करणारी मधु सप्रे, काय करतेय सध्या?
मिलिंद- मधुवर एका जाहिरातीमुळे केस दाखल झाली जी जवळपास 14 वर्षे चालली.
)
मुंबई : 90 च्या दशकात, भारतामध्ये मॉडेलिंगचं कल्चर योग्य प्रकारे दिसू लागलं होतं. टीव्ही चॅनेल्स आणि प्रिंट मिडियामध्ये तेजीमुळे मॉडेल्सना जाहिरातींमध्ये जागा मिळत होती. असेच एक मॉडेल मधु सप्रे होती, जिने तिच्या मॉडेलिंगच्या काळात खूप नाव कमावलं. पण तिच्या एका जाहिरातीमुळे त्याच्यावरही एक केस दाखल झाली जी जवळपास 14 वर्षे चालली.
1995मध्ये मधू सप्रे यांनी एक गर्भनिरोधक जाहिरात केली जी त्यांची ओळख बनली. मिलिंद सोमण हे त्या काळातील एक तरुण मॉडेल आणि आजही फिटनेसचं उदाहरण आहे. त्यावेळी मधु आणि मिलिंद एकमेकांना डेट करत होते.
काय होती जाहिरात?
1995मध्ये टफ या शूज कंपनीने प्रिंट अॅड शूट केली ज्यामध्ये मधु आणि मिलिंदने फक्त शूज परिधान केलेले दिसतात. त्यांच्या अंगावर कपडे नव्हते आणि ते एकमेकांना चिकटून उभे होते. ही जाहिरात अधिक मसालेदार करण्यासाठी, त्यांच्या अंगावर गुंडाळलेला अजगर देखील गेला होता
ही जाहिरात पेपरमध्ये येताच खळबळ उडाली. या जाहिरातीला अश्लील म्हणत मुंबई पोलिसांच्या सामाजिक सेवा शाखेने मधु आणि मिलिंद यांच्यावर नग्नतेचा प्रचार करण्याचा गुन्हा दाखल केला होता. या व्यतिरिक्त जाहिरात कंपनीवर वन्यजीव संरक्षण कायद्यांतर्गत आणखी एक गुन्हा दाखल करण्यात आला. हे दोन्ही खटले १४ वर्षे चालला आणि अखेर कोर्टाने या सगळ्यांची निर्दोष मुक्तता केली.
काही दिवसांपूर्वी मिलिंद सोमण यांनी आपल्या इन्स्टाग्रामवर ही जाहिरात शेअर केली होती. त्यांनी हा थ्रोबॅक फोटो शेअर करत लिहिले की, जर ही जाहिरात आजच्या काळात केली गेली तर याला कसा प्रतिसाद मिळेल! या फोटोवर कमेंन्ट करत बर्‍याच जणांनी लिहिले की, मधु सप्रे ही या जाहिरातीची इंस्पिरेशन आहे आणि कायमच राहिल
मिस इंडिया 1992 मधू सप्रे
मधु सप्रे हे ९०च्या दशकात नामवंत मॉडेल होती. ती प्रत्यक्षात एक खेळाडू होती. एका कार्यक्रमादरम्यान सेलिब्रिटी फोटोग्राफर गौतम राजाध्याक्षची नजर मधुवर पडली. त्याने मधुचं फोटोशूट केलं आणि तिला मॉडेलिंग करण्याचा सल्ला दिला. इतकंच नाही तर त्याने मधुला मिस इंडिया फॉर्म भरण्यासाठी प्रेरित केलं.
मधूने फॉर्म भरला आणि तिलाही शॉर्टलिस्ट केलं गेलं. ती केवळ शॉर्टलिस्ट झाली नव्हती, तर 1992 मध्ये ती मिस इंडियाही बनली. 1992मध्ये मधूने मिस युनिव्हर्स स्पर्धेत भारताचं प्रतिनिधित्व केलं आणि ती दुसरी रनअप ठरली. मधूने 90 च्या दशकात अनेक प्रोडक्ट्ससाठी मॉडेलिंग केली आणि 2003 मध्ये 'बूम' चित्रपटातून तीने बॉलिवूडमध्ये पर्दापण केलं.
सध्या मध कुठे आहे?
मधु सप्रे आजकाल इटली जवळच्या एका छोट्या गावात पती आणि मुलीसह राहत आहे. तिचा नवरा Gian Maria Emendatori हा एक इटालियन व्यावसायिक आहे. त्यांना इंदिरा नावाची एक मुलगी आहे.