Katrina च्या घरात लगीनघाई, धाकटी बहिणही अडकली लग्नबंधनात, व्हिडिओ व्हायरल
बॉलिवूड अभिनेत्री कतरिना कैफ आणि अभिनेता विकी कौशल नुकतेच लग्न बंधनात अडकले.
)
मुंबई : बॉलिवूड अभिनेत्री कतरिना कैफ आणि अभिनेता विकी कौशल नुकतेच लग्न बंधनात अडकले. विकी -कतरिनाचे फोटो आणि व्हिडिओ सोशल मीडियावर व्हायरल झाले होते आणि अजूनही व्हायरल होत आहेत. एकीकडे या कपलचे फोटो आणि व्हिडिओ व्हायरल होण्याचं थांबता- थांबत नाहीये तर दुसरीकडे कतरिना कैफची बहीण अभिनेत्री इसाबेल कैफचे काही फोटो आणि व्हिडिओ सोशल मीडियावर व्हायरल होत आहेत.
या पोस्ट्समध्ये इसाबेल नववधूच्या अवतारात दिसत आहे. तर कतरिनापाठोपाठ इसाबेलनेही लग्न केल्यानं चाहते खूश आहेत. मात्र या फोटो-व्हिडिओचं सत्य मात्र थोडं वेगळं आहे. जे स्वतः इसाबेलने सांगितलं आहे.
वधूच्या अवतारात इसाबेल
इसाबेलचा एक व्हिडिओ सोशल मीडियावर समोर आला आहे. या व्हिडिओमध्ये कतरिनाची बहीण अभिनेत्री इसाबेलने नववधूच्या गेटअपमध्ये दिसत आहे. व्हिडिओमध्ये, इसाबेल तिची ज्वेलरी फ्लॉंट करताना दिसत आहे. त्याचबरोबर व्हिडिओच्या शेवटी तिचा चेहराही दिसत आहे.
इसाबेलचा व्हिडिओ व्हायरल
विकी कौशल आणि कतरिना कैफ यांनी जवळचे मित्र आणि कुटुंबासह सात फेरे घेतले. त्यामुळे चाहत्यांना असं वाटतंय की, इसाबेलने देखील तिच्या बहिणीप्रमाणे गुपचूप लग्न केलं आहे. मात्र, इसाबेलचा हा लूक एका शूटसाठी आहे. हा व्हिडिओ शेअर करत इसाबेलने कॅप्शनमध्ये लिहिलंय की, 'रील नॉट रिअल'.
'सुस्वागतम खुशामदीद' 'मध्ये दिसणार आहे.
इसाबेल देखील बहीण कतरिना कैफसारखी खूप सुंदर आहे आणि तिला बॉलिवूडमध्ये आपली ताकद दाखवायची आहे. इसाबेल टाइम टू डान्स या चित्रपटात दिसली होती. त्याचबरोबर ती लवकरच पुलकित सम्राटसोबत 'सुस्वागतम खुशामदीद' या चित्रपटात दिसणार आहे. इसाबेल इंस्टाग्रामवर खूप सक्रिय आहे आणि तिचे 1 मिलियन फॉलोअर्स आहेत