ठरलं तर मग... रश्मिका मंदाना आणि विजय देवरकोंडा लवकरच अडकणार लग्नबंधनात
रश्मिका मंदाना नेहमीच कोणत्या ना कोणत्या कारणामुळे चर्चेत असते. ही अभिनेत्री टॉपच्या कलाकारांपैकी एक आहे. तर दुसरीकडे विजय देवरकोंडा हा अभिनेता देखील कायम चर्चेत असतो. बऱ्याचदा या दोघांच्या अफेअर्सच्या चर्चा होत्या. मात्र आता पुन्हा एकदा...
)
मुंबई : दाक्षिणात्य अभिनेत्री आणि संपूर्ण भारतीय तरुणांवर राज्य करणारी रश्मिका मंदाना नेहमीच कोणत्या ना कोणत्या कारणामुळे चर्चेत असते. ही अभिनेत्री टॉपच्या कलाकारांपैकी एक आहे. तर दुसरीकडे विजय देवरकोंडा हा अभिनेता देखील कायम चर्चेत असतो. बऱ्याचदा या दोघांच्या अफेअर्सच्या चर्चा होत्या. मात्र आता पुन्हा एकदा रश्मिका आणि विजय देवरकोंडा यांच्या अफेअर्सच्या सुरु झाल्या आहेत. आणि या मागचं कारण म्हणजे, या दोघांचा एक फोटो सध्या सोशल मीडियावर व्हायरल होत आहे. जो पाहून तुम्हालाही आश्चर्याचा धक्का बसेल.
खरंतर व्हायरल होणारा हे फोटो या दोन्ही स्टार्सने त्यांच्या त्यांच्या अकांऊन्टवरुन शेअर केले आहेत. मात्र बॅकग्राऊंडला दिसणारं लोकेशनने सगळ्यांचं लक्ष वेधून घेतलं आहे. दोघांच्या फोटोत दिसणार लोकेशन हे एकसारखंच आहे. त्यामुळे या दोघांच्या अफेअर्सच्या चर्चांनी पुन्हा एकदा जोर धरला आहे. आता या फोटोवरुन हे कपल लिव्ह ईन रिलेशनशिपमध्ये राहत असल्याचं बोललं जात आहे.
रश्मिकाने अलीकडेच एका लग्नसोहळ्यातील तिचा फोटो इन्स्टाग्रामवर शेअर केला होता. या फोटोसह तिच्या एकटीचे साडीतील काही फोटोही तिने पोस्ट केलेत. या फोटोंपेक्षा त्यामागे असणारा व्ह्यू चाहत्यांच्या नजरेतून सुटला नाही. एका युजरने कमेंट करत म्हटलंय, शेवटचे २ फोटो विजयच्या घरातील आहेत. त्यामुळे त्यांच्याबद्दलच्या अफवा खऱ्या आहेत चांगली जोडी. तर अजून एकाने म्हटलंय, अरे ही जागा कुठे तरी पाहिल्यासारखी वाटतेय. तर अनेकांनी तिच्या या लूकचं कौतूकही केलंय, एकाने कौतुक करत लिहीलं, काही सेलिब्रिटी त्यांच्या सोशल मीडिया अकाउंटवर त्यांचे स्वतःचे फोटो आणि प्रोफेशनल व्हिडिओ टाकत आहेत. पण हे खूप खरे आणि गोड आहे.
तर विजयनेदेखील काही दिवसांपुर्वी याच लोकेशनवरुन एक फोटो अपलोड केला होत. गेल्याच आठवड्यात 'खुशी' सिनेमाबद्दल एक पोस्ट त्याने शेअर केली होती. हा सिनेमा प्रदर्शित होण्याला ४ दिवस बाकी असताना त्याने ही पोस्ट केलेली. या पोस्टमध्ये त्याने जे फोटो शेअर केलेत त्यातील व्ह्यू आणि रश्मिकाने आता पोस्ट केलेल्या फोटोतील व्ह्यू जवळपास सारखं आहे. त्यामुळे रश्मिका आणि विजय या दोघांचेही लेटेस्ट फोटो विजयच्या घरातील असल्याची चर्चा आहे. दोघांचे एकाच टेरेसवरील फोटो पाहून ते लिव्ह इन रिलेशनशिपमध्ये असल्याचे बोललं जात आहे. तर अनेकांनी या दोघांच्या लग्नाच्या अटकळ बांधायला सुरुवात केली आहे. अनेकजण हे कपल लग्नबंधनात अडकणार असल्याचं म्हटलं जात आहे.
विजय देवरकोंडा आणि रश्मिका मंदाना या दोघांचे नाव एकत्र घेण्यात आल्याची ही पहिलीच वेळ नाही. या आधी मालदीवच्या ट्रिपवरून नेटकऱ्यांनी ते दोघं एकत्र असल्याचं म्हटलं होतं. तर रश्मिका आणि विजय हे दोघेही दाक्षिणात्य चित्रपटसृष्टीतील लोकप्रिय कलाकार आहेत. त्या दोघांना 'डियर कॉमरेड' आणि 'गीता गोविंदम' या चित्रपटांमध्ये एकत्र काम केलं आहे.