'हम आपके हैं कौन' सलामनच्या वडिलांमुळे हिट; ऐनवेळी घेतला होता मोठा निर्णय

मुंबई : सलमान खान आणि माधुरी दीक्षितचा चित्रपट 'हम आपके है कौन' हा चाहत्यांच्या आवडत्या चित्रपटांपैकी एक आहे. चित्रपट हिट ठरण्यासाठी, त्यात 14 गाणी  जोडली गेली. दरम्यान, यापैकी बरीच गाणी अंतिम कटमध्ये चित्रपटात दिसली नाहीत. चित्रपटाचा रन टाइम देखील सुरुवातीला तीन तासांपेक्षा जास्त होता. जेव्हा हा  चित्रपट इंडस्ट्रीतील लोकांना दाखवला गेला, तेव्हा बहुतेक लोक सलमान खान-माधुरी दीक्षित स्टारर चित्रपट पाहू शकले नाहीत.

वर्ष 2014 मध्ये, चित्रपटाचे दिग्दर्शक सूरज बडजात्या यांनी एक खास व्हिडिओ शेअर केला. या व्हिडिओमध्ये चित्रपटाला 20 वर्ष पुर्ण होताना सलमान खानची  आठवण काढण्यात आली होती. या दरम्यान त्यांनी सांगितले होते की हा चित्रपट इंडस्ट्रीतील फक्त दोन लोकांना आवडला. एक होता सलमान खानचे वडील सलीम  खान आणि दुसरे होते यशराज फिल्म्सचे आदित्य चोप्रा.

हा चित्रपट दोन लोकांना आवडला

चित्रपटाबद्दल बोलताना, सूरज बडजात्यांनी आठवणींना उजाळा देत म्हटलं, की चित्रपट बनवताना 14 गाणी तयार केली गेली होती. आम्ही 50 ते 70 चाचण्या केल्या.  फक्त दोन लोकांना ते आवडले. एक होते सलीम अंकल आणि दुसरे आदित्य चोप्रा. मी लिबर्टी सिनेमामध्ये एक मोठी चाचणी घेतली होती आणि उद्योगाशी संबंधित  बहुतेक लोक तिथे होते.

या शो दरम्यान, सूरजने पाहिले होते की लोक चित्रपटाच्या गाण्यांच्या दरम्यान उठत आहेत. स्क्रिनिंगनंतर जेव्हा तो बाहेर आला, तेव्हा लोक त्याला सांत्वनाची भावना  देऊन भेटत होते. त्याने मला सांगितले की, हे प्रत्येकासाठी घडते. तुमच्या पुढच्या चित्रपटावर काम सुरू करा.

सलीम खान यांचा दिग्दर्शकाला मोठा सल्ला 

सूरज यांनी जुने किस्से शेअर करत म्हटलं, की त्यांना सलीम खान यांनी फोन केला आणि दोन गाणी काढण्यास सांगितले. जरी टीव्ही प्रेक्षकांनी ही गाणी पाहिली होती.  पण ही गाणी थिएटर प्रेक्षकांसाठी काढली गेली. चित्रपट तीन दिवस चालल्यानंतर आम्ही ही गाणी काढून टाकली आणि मग जे घडले ते सर्वांसमोर आहे. तिसऱ्या  दिवशी चित्रपटाचे कलेक्शन वाढू लागले.