बर्थडे स्पेशल : जेठालाल उर्फ दिलीप जोशी दर महिन्याला करतात इतकी कमाई...

मुंबई : तारक मेहता का उल्टा चश्मा या लोकप्रिय टी.व्ही. मालिकेतून घराघरात पोहचलेल्या जेठालाल म्हणजे अभिनेता दिलीप जोशी यांचा आज ५० वा वाढदिवस आहे. आपल्या तणावपूर्ण आयुष्य त्यांच्या कामामुळे हलके-फुलके, आनंदी झाले आहे. गेली १० वर्ष सातत्याने दिलीप जोशी हे काम नेटाने आणि तितक्याच ताकदीने करत आहेत.

जेठालाल भूमिकेने प्रेक्षकांना खिळवून ठेवले

दिलीप जोशी यांचा जन्म २६ मे १९६८ मध्ये गुजरात येथे झाला. १९९७ मध्ये क्या बात है या टी.व्ही. मालिकेतून त्यांनी करिअरला सुरुवात केली. १९८९ मध्ये मैंने प्यार किया या सिनेमातून त्यांनी सिनेसृष्टीतील करिअरला प्रारंभ केला. त्यानंतर दिलीप यांनी हम आपके है कौन, फिर भी दिल है हिंदुस्तानी, हमराज, दिल है तुम्हारा यांसारख्या १५ सिनेमात काम केले. मात्र सिनेमातील त्यांची कारर्कीद म्हणावी तशी यशस्वी ठरली नाही. मग पुन्हा एकदा त्यांनी टी.व्ही. मालिकांमध्ये आपला मोर्चा वळवला. आणि तारक मेहता का उल्टा चष्मा या मालिकेतून घराघरात पोहचले. या मालिकेसाठी त्यांना १६ पुरस्कार मिळाले आहेत. या मालिकेचे आतापर्यंत २ हजार एपिसोड्स प्रसारित झाले आहेत. मालिकेतील त्यांच्या भूमिकेने प्रेक्षकांना आतापर्यंत बांधून ठेवले आहे.

इतकी आहे त्यांची कमाई

अभिनयासोबतच दिलीप यांना मिमिक्रीही उत्तम करता येते. मीडिया रिपोर्ट्नुसार, दिलीप जोशी जेठालाल या भूमिकेसाठी दिवसाला ५० हजार रुपये घेतात. एक महिन्यात दिलीप सुमारे २५ दिवस शूटिंग करतात. या हिशोबाने त्यांना महिन्याला १२-१३ लाख रुपये मिळतात. 

हा प्रवास सोपा नव्हता

पण हे यश त्यांना सहज लाभले नाही तर अनेक शोज आणि सिनेमे करुनही दिलीप जोशी यांच्याकडे कोणतेही काम नव्हते. तारक मेहता का उल्टा चष्मा ही मालिका मिळण्यापूर्वी वर्षभर त्यांच्याकडे कोणतेही काम नव्हते. दिलीप यांच्या पत्नीचे नाव जयमाला असून त्यांना रित्विक आणि नियती ही दोन मुले आहेत.