सगळ्यांनी शांत राहा....म्हणत कुशलने भाऊ कदमचा खास व्हिडिओ केला पोस्ट

मुंबई : अभिनेता भाऊ कदम हे झी मराठीवरील 'चला हवा येऊ द्या' या कार्यक्रमामार्फत अगदी घराघरात पोहोचले. भाऊ कदम यांच्या अभिनयासोबतच त्यांच्याबाबतच्या सगळ्या छोट्या छोट्या गोष्टी जाणून घेण्यात प्रेक्षकांना आवडतं असतं. भाऊ कदम यांना आपली झोप किती लोकप्रिय आहे. हे देखील अनेकदा त्यांचे सहकलाकार यांनी सांगितलं आहे. 

असाच एक भाऊ कदमचा व्हिडिओ सोशल मीडियावर चर्चेत आहे. हा व्हिडिओ अभिनेता कुशल बद्रिकेने तयार केला आहे. या व्हिडिओत भाऊ कदम आणि चला हवा येऊ द्याची टीमची तालिम सुरू आहे. असं असताना भाऊ कदम झोपल्याचा हा व्हिडिओ आहे. 

भाऊ कदम यांच पाठांतर चालू आहे, सगळ्यांनी शांत रहा... असं म्हणतं कुशल बद्रिकेने हा व्हिडिओ पोस्ट केला आहे. या व्हिडिओत भाऊ कदम चक्क झोपताना दिसत आहेत. या व्हिडिओत भाऊ कदम चक्क झोपताना दिसत आहेत. त्यानंतर त्यांना जाग आल्यावर ते आपण पाठांतर करत असल्याचं भासवत आहेत. 

 

 

 

 

View this post on Instagram

 

 

 

 

 

 

 

 

 

 

 

A post shared by Kushal Badrike official (@badrikekushal)

कुशल यांनी तयार केलेल्या व्हिडिओला चांगलीच पसंती मिळत आहे. या व्हिडिओवर भाऊ कदम यांच्या मुलीने देखील प्रतिक्रिया नोंदवली आहे. अनेक कलाकारांनी आपण भाऊ कदम यांच्यावर मनापासून प्रेम करतो असं म्हणतं शुभेच्छा दिल्या आहेत.

भाऊ कदम यांचं विनोदाचं टायमिंग आणि त्यांच्या चेहऱ्यावरील हावभाव पाहून प्रेक्षक आपसूकच त्यांच्या प्रेमात पडतात. याच विनोदवीराचा एक व्हिडीओ सध्या सोशल मीडियावर व्हायरल होत आहे जो प्रेक्षकांना हसायला भाग पाडतोय.

कुशल बद्रिके याने त्याच्या इन्स्टाग्राम अकाउंटवर एक व्हिडीओ शेअर केला आहे. ज्यात भाऊ पाठांतर करताना चक्क झोपी गेलेत आणि ते झोपेत डुलक्या देत आहेत. या व्हिडिओत कुशल आधी भाऊंना हाक मारत त्याला नीट झोपायला सांगतो. त्यावर उत्तर देताना भाऊ म्हणतात की, 'नाही, पाठांतर करायचंय.' भाऊंचा हा पवित्रा पाहून व्हिडीओ पाहणाऱ्याला हसू आवरणार नाही हे मात्र नक्की.