లోక్ సభ ఎన్నికల కౌంటింగ్ తో పాటు ఏపీ అసెంబ్లీ ఓట్ల లెక్కింపు కొనసాగుతోంది.  రాష్ట్రంలో మొత్తం  175 అసెంబ్లీ స్థానాలు, 25 లోక్‌సభ స్థానాలకు ఎన్నికలు జరిగాయి. మరికొన్ని గంటల్లో దీని ఫలితాలు వెలువరించనున్నారు. దీంతో  ఫలితాలపై ఇటు అభ్యర్థులు, అటు జనాల్లోనూ తీవ్ర ఉత్కంఠ నెలకొంది. మధ్యాహ్నాని కల్లా గెలుపు ఎవరిదనే విషయంపై క్లారిటీ రానుంది.  

మధ్యాహ్నం 2 గంటల వరకు ఈవీఎంల ఓట్ల లెక్కింపు పూర్తియ్యే అవకాశముందని ఎన్నికల అధికారులు పేర్కొన్నారు. అయితే రాజకీయ పార్టీల అభ్యంతరాలు వ్యక్తం చేస్తున్న నేపథ్యంలో ఈవీఎంల ఓట్ల లెక్కింపు  అనంతరం ప్రతి నియెజకవర్గంలో 5 ఈవీఎంలకు సంబంధించిన వీవీప్యాట్ స్లిప్పులను లెక్కిస్తారు. ఇలా ఈ ప్రక్రియ పూర్తి చేసి సాయంత్రానికి కల్లా అధికారికంగా ఫలితాలు వెలవడించనున్నారు.

కౌంటింగ్ కోసం రాష్ట్రంలో మొత్తం 36 కౌంటింగ్‌ కేంద్రాల్లో సుమారు 350 లెక్కింపు హాళ్లు ఏర్పాట్లు చేశారు. అలాగే ప్రతి అసెంబ్లీ స్థానానికి ఒక పరిశీలకుడు...పార్లమెంట్‌ స్థానానికి మరో పరిశీలకుడిని ఎన్నికల సంఘం నియమించింది.