న్యూ ఢిల్లీ: చిన్నారులను పాఠశాలకు తీసుకెళ్లే స్కూల్ వ్యానుకు నిప్పంటుకోవడంతో అందులో ప్రయాణిస్తోన్న వారిలో నలుగురు విద్యార్థులు మృత్యువాత పడిన దుర్ఘటన పంజాబ్‌లోని సంగ్రూర్‌కి సమీపంలోని లొంగోవాల్ పట్టణంలో శనివారం మధ్యాహ్నం చోటుచేసుకుంది. చనిపోయిన విద్యార్థులంతా 4-5 ఏళ్ల మధ్య వయస్సున్న వారే. ఇదే ఘటనలో మంటల్లో చిక్కుకున్న మరో 8 మంది విద్యార్థులను అక్కడి స్థానికులు కాపాడారు. ఘటనాస్థలికి సమీపంలోని పొలాల్లో పనిచేసుకుంటున్న కూలీలు వ్యానుకు మంటలు అంటుకోవడాన్ని గుర్తించి హుటాహుటిని అక్కడికి చేరుకుని 8 మంది విద్యార్థులను కాపాడారు.
వ్యానుకు మంటలు అంటుకోవడానికి కారణం ఏంటనేది ఇంకా తెలియాల్సి ఉంది. ఈ ప్రమాదానికి సంబంధించి మరింత సమాచారం అందాల్సి ఉంది.
