Live Blog
AP Rains Live Updates: ఏపీకి మరో ముప్పు ముంచుకోస్తోంది. ముఖ్యంగా కోస్తాంధ్రలో భారీ వర్షాలు కురిసే అవకాశం ఉంది. బంగాళాఖాతంలో ఏర్పడిన తీవ్ర అల్పపీడనం కాస్తా రేపటికి పశ్చిమ బెంగాల్ తీరంలో వాయుగుండంగా మారనుంది. దీంతో కోస్తాంధ్రలో భారీ నుంచి అతి భారీ వర్షాలు కురుస్తాయని వాతావరణ శాఖ వెల్లడించింది. ఇవాళ అతిభారీ నుంచి అత్యంత భారీ వర్షాలు కురుస్తాయని హెచ్చరించింది. అల్లూరి, తూర్పుగోదావరి, పశ్చిమగోదావరి, ఏలూరు, ఎన్టీఆర్ జిల్లాలకు రెడ్ అలర్ట్ జారీ చేసింది. శ్రీకాకుళం, పార్వతీపురం మన్యం, విజయనగరం, విశాఖ, అనకాపల్లి, కాకినాడ, కోనసీమ, కృష్ణా జిల్లాలకు ఆరెంజ్ అలర్ట్ ప్రకటించింది. ఇప్పటికే వరదలతో విజయవాడ అతలాకుతలం అవ్వగా.. మరోసారి పొంచి ముప్పు ఉన్న నేపథ్యంలో అధికారులు అప్రమత్తమయ్యారు. వర్షానికి సంబంధించి లైవ్ అప్‌డేట్స్ కోసం ఇక్కడ ఫాలో అవ్వండి.
