முதலீடுகள் மற்றும் செலவுகள் குறித்த தெளிவு இருந்தால் வருமான வரி கட்டுவதை குறைக்கலாம். வரி சேமிக்க உதவும் வழக்கமான செலவுகள் பற்றி தெரிந்துக் கொள்வது பணத்தை சேமிக்க உதவும். மருத்துவ செலவுகள், குழந்தைகளின் ப்ரீ-நர்சரி கட்டணம், உடல்நலக் காப்பீடு, பெற்றோருக்கான மருத்துவச் செலவுகள் என நாம் தினசரி செய்யும் செலவுகளுக்கு வரி விலக்கு உண்டு. இதுபோன்ற எளிய மற்றும் சுலபமாக வரி சேமிக்கும் விஷயங்களைத் தெரிந்துக் கொள்வோம்.
ப்ரீ-நர்சரி கட்டணத்தில் வரி விலக்கு
சிறிய குழந்தை உள்ள பெற்றோர்களுக்கு இந்த உதவிக்குறிப்பு உதவும். ஒன்றாம் வகுப்புக்கு முன்னதாக குழந்தைகளை பள்ளியில் சேர்க்கும் செலவுகளுக்கு வருமான வரி விலக்கு பெறலாம். இந்தக் கட்டணத்திற்கு வரி விலக்கு பெறலாம். இந்த வரிச் சலுகை 2015-ல் அறிமுகப்படுத்தப்பட்டாலும், பள்ளிக் கல்விக் கட்டணக் கழிவைப் போல் இது அனைவருக்கும் தெரிவதில்லை. தற்போது, ப்ரீ-நர்சரி மற்றும் நர்சரிக்கான கட்டணங்கள் மிகவும் அதிகமாக இருக்கிறது. முன்னர், இது அந்த அளவு அதிகமாக இல்லை. தற்போது ஆயிரக்கணக்கில் நர்சரிக்கு செலவு செய்யும் பெற்றோர்கள் அந்த செலவை கணக்கு காட்டி, பிரிவு 80C இன் கீழ் நீங்கள் இந்த விலக்கைப் பெறலாம். இந்தச் சலுகை இரண்டு குழந்தைகள் வரை பொருந்தும்.
பெற்றோருக்கு வட்டி
உங்கள் பெற்றோர் குறைந்த வரி வரம்பிற்குள் இருந்தால் அல்லது தற்போது வரிக்கு உட்பட்டிருக்கவில்லை என்றால், நீங்கள் வீட்டுச் செலவுகளுக்காக அவர்களிடமிருந்து கடன் பெற்று அதற்கு வட்டி செலுத்தலாம். இருப்பினும், வரி விலக்கு கோர, வட்டி செலுத்துவதற்கான சான்றளிக்கப்பட்ட சான்றிதழ் தேவை என்பதை மறந்துவிட வேண்டாம். இந்த ஆதாரத்தை நீங்கள் வழங்கத் தவறினால், வரி விலக்கு கிடைக்காது. வருமான வரிச் சட்டத்தின் 24பி பிரிவின் கீழ் இந்த வரி விலக்கு பெறலாம், அதிகபட்சமாக ரூ.2 லட்சம் வரை இந்த விலக்கு கிடைக்கும்.
பெற்றோருக்கு வாடகை கொடுக்கலாம்
கூட்டுக் குடும்பமாக உங்கள் பெற்றோருடன் வாழ்ந்து வருபவராக இருந்து, HRA (வீட்டு வாடகை கொடுப்பனவு) பெற முடியாவிட்டால், நீங்கள் உங்கள் பெற்றோருக்கு வாடகை செலுத்தி HRA ஐப் பெறலாம். இதைப் பற்றி பலருக்கு தெரிவதில்லை. உண்மையில், வருமான வரிச் சட்டத்தின் பிரிவு 10(13A) இன் கீழ், உங்கள் பெற்றோரை வீட்டு உரிமையாளர்களாகக் காட்டி, HRA இல் வரி விலக்கு பெறலாம். பெற்றோரின் வீட்டில் வசிப்பதற்காக வாடகை செலுத்துகிறீர்கள் என்பதை நீங்கள் நிரூபிக்கலாம்.
குடும்பத்திற்கு உடல்நலக் காப்பீடு
உங்கள் பெற்றோரின் ஆரோக்கியத்தை கவனித்துக்கொள்வதன் மூலம் நீங்கள் வரியைச் சேமிக்கலாம். பெற்றோருக்கு உடல்நலக் காப்பீட்டை எடுப்பதற்காக செலவு செய்யும் தொகைக்கு வரி விலக்கு கிடைக்கும். 65 வயதிற்குட்பட்ட பெற்றோருக்கு, ரூ.25,000 வரையிலான பிரீமியங்களில் இருந்து வரி விலக்கு கிடைக்கும். 65 வயதுக்கு மேற்பட்ட பெற்றோருக்கு, ரூ.50,000 வரையிலான பிரீமியங்களுக்கு வரிச் சலுகைக் கிடைக்கும்.
பெற்றோரின் மருத்துவச் செலவுகளுக்கு வரி விலக்கு
உங்கள் பெற்றோருக்கு செய்யும் மருத்துவச் செலவுகளுக்கு வரிச் சலுகை கிடைக்கும். இருப்பினும், உங்கள் பெற்றோருக்கு 60 வயது அல்லது அதற்கு மேல் இருப்பது அவசியம். இந்த வயதில், அவர்கள் கணிசமான மருத்துவச் செலவுகளைச் சந்திக்க நேரிடும், இதில் பிரிவு 80D இன் கீழ் வரி விலக்கு கோரலாம். இந்தச் செலவுகளுக்கு ரூ.50,000 வரை வரிச் சலுகையைப் பெறலாம்.
மேலும் படிக்க | திருமணமான இந்திய பெண்களுக்கு வேலை இல்லை!! சர்ச்சையில் சிக்கிய நிறுவனம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
