विचित्र अपघात! भरधाव रेल्वेची ट्रकला धडक; 46 जणांवर काळाचा घाला

शिकागो, Train-Truck Accident in USA: अमेरिकेत सोमवारी रात्री उशिरा एक मोठा रेल्वे अपघात झाला. हायस्पीड ट्रेनच्या धडकेमुळे गेटच्या मधोमध उभा असलेला ट्रकचा चक्काचूर झाला. या अपघातात 46 जणांचा मृत्यू झाला.

 अमेरिकेत सोमवारी रात्री उशिरा एक मोठा रेल्वे अपघात झाला. वेगवान प्रवासी ट्रेन एका गेटवर बंद पडलेल्या ट्रकला धडकली आणि रुळावरून घसरली. या अपघातात 46 जण ठार झाले आणि बरेच जखमी झाले. अपघातानंतर पोलीस घटनास्थळी पोहोचले, त्यांनी जखमींना उपचारासाठी रुग्णालयात नेले आणि प्रकरणाचा तपास सुरू केला.

धडकेनंतर ट्रकचा चक्काचूर झाला

पोलिसांनी दिलेल्या माहितीनुसार, सोमवारी रात्री एक पॅसेंजर ट्रेन अमेरिकेतील लॉस एंजेलिस शहरातून शिकागोला जात होती. त्यानंतर मिसुरी परिसरातील रेल्वे गेटवर उभ्या असलेल्या ट्रकला तिची धडक बसली. ही धडक इतकी जोरदार होती की, ट्रकचा चक्काचूर झाला. यामुळे ट्रेन रुळावरून घसरली.

बचावकार्यासाठी 6 हेलिकॉप्टर तैनात

पोलिसांनी सांगितले की, जखमींना रुग्णालयात नेण्यासाठी 6 हेलिकॉप्टरची मदत घेण्यात आली. अग्निशमन दल, पोलीस, रुग्णवाहिका सेवा, वैद्यकीय हेलिकॉप्टर सेवा यासह 20 हून अधिक यंत्रणा जखमींच्या मदतीसाठी कार्यरत आहेत. पीडितांना मदत करण्यासाठी पहिली आपत्कालीन टीम 20 मिनिटांत घटनास्थळी पोहोचली.

बॉईज स्काऊट संघाने मदत केली

नाईटिंगेल म्हणाले की, टक्कर होताच ट्रेनला जोरदार धडक बसली, जोरदार धक्का बसून सर्व प्रवासी सीटवरून खाली पडले. या ट्रेनमध्ये बॉईज स्काउट्सची एक टीम देखील प्रवास करत होती, ज्यामध्ये एकूण 16 विद्यार्थी होते, परंतु योगायोगाने स्काउट्सपैकी कोणालाही दुखापत झाली नाही. या घटनेनंतर त्याच बॉईज स्काऊटने जखमी प्रवाशांना ट्रेनमधून बाहेर काढले, त्यांना ट्रेनमध्ये बसवले आणि हॉस्पिटलमध्ये पोहोचण्यास मदत केली