स्वित्झर्लंडकडून भारताचं कौतुक, 'मॅटरहॉर्न पर्वता'ला तिरंग्याचं स्वरूप
'मॅटरहॉर्न पर्वता'ची उंची १४ हजार ६९० फुट आहे
)
मुंबई : कोरोना व्हायरचा फैलाव संपूर्ण जगात दिवसागणिक वाढताना दिसत आहे. अशा महामारीच्या परिस्थितीत सर्वच देश आपल्या नागरिकांना मृत्यूच्या दारातून परत आणण्यासाठी युद्ध पातळीवर प्रयत्न करत आहेत. महत्त्वाचं म्हणजे या आणीबाणीच्या काळात समस्त जग एकजूट होऊन एकमेकांना मदत करत आहेत. अशा सर्व परिस्थितीत भारताचे मात्र विशेष कौतुक संपूर्ण जगातून होत आहे. भारताचं कौतुक करणाऱ्या राष्ट्रांमध्ये स्वित्झर्लंड देखील पुढे आला आहे.
INDIAN TRICOLOR ON THE MATTERHORN MOUNTAIN: Indian Tricolor of more than 1000 meters in size projected on Matterhorn Mountain, Zermatt, Switzerland to express Solidarity to all Indians in the fight against COVID 19. A big Thank You to @zermatt_tourism for the gesture. @MEAIndia pic.twitter.com/y4diNDSlT9
— India in Switzerland, The Holy See & Liechtenstein (@IndiainSwiss) April 17, 2020
स्वित्झर्लंडने अनोख्या पद्धतीत भारताचे कौतुक केलं आहे. शुक्रवारी भारताच्या सन्मानार्थ लेसर लाईटच्या मदतीने मॅटरहॉर्न पर्वताला तिरंग्याच्या रंगात रंगवण्यात आहे. मॅटरहॉन डोंगर स्वित्झर्लंडमध्ये स्विस आलप्स याठिकाणी आहे. स्वित्झर्लंडमधील भारतीय दूतावासाने ट्विटरवर हे अनोखं चित्र शेअर केले आहे. कोरोना वादळ अद्यापही शमलेलं नाही. भरतात देखील कोरोनाचा फैलाव मोठ्या प्रमाणावर होत आहे.
The world is fighting COVID-19 together.
Humanity will surely overcome this pandemic. https://t.co/7Kgwp1TU6A
— Narendra Modi (@narendramodi) April 18, 2020
अशा सर्व परिस्थितीत भारत अन्य देशांची देखील मदत करतत आहे. त्यामुळे जगाच्या कानाकोपऱ्यातून भारतावर कौतुकाचा वर्षाव होत आहे. एकढचं नाही तर भारताचे पंतप्रधान नरेंद्र मोदींनी ही पोस्ट रिट्विट करत स्वित्झर्लंडचे आभार मानले आहे. 'संपूर्ण जग Covid-19वर मात करण्यासाठी एकजूटीनं काम करत आहे. या महामारीवर निश्चित रूपात माणूसकीचा विजय होईल असं देखील पंतप्रधान म्हणाले.
जगभरात जवळपास २२ लाख ४० हजारांहून अधिक कोरोनाचे रुग्ण आढळले आहेत. तर कोरोनामुळे १ लाख ५३ हजारांहून अधिक जणांना आपला जीव गमवावा लागला आहे.