इस्रायलने गाझामधून होणारे हल्ले रोखण्यासाठी बनवली 65 किमी लांबीची हाइटेक भिंत

मुंबई : इस्रायलने गाझा येथून होणारे हमासचे हल्ले रोखण्यासाठी ६५ किलोमीटर लांबीची 'लोखंडी भिंत' बांधण्याचे काम पूर्ण केल्याचे जाहीर केले आहे. ही हायटेक भिंत भूमिगत सेन्सर्स, रडार आणि कॅमेऱ्यांनी सुसज्ज आहे. गाझाच्या बाजूने ही भिंत ओलांडण्याचा कोणताही प्रयत्न इस्रायली सुरक्षा दलांचे लक्ष वेधून घेईल आणि झटक्यात त्यांना नष्ट केले जाईल.

सुमारे साडेतीन वर्षांच्या बांधकामानंतर दूर झाला अडथळा असे इस्रायलने याचे वर्णन केले आहे. 2007 मध्ये हमास सरकार सत्तेवर आल्यापासून इस्रायलने गाझा वर बंदी घातली आहे. या अंतर्गत वस्तू आणि लोकांच्या वाहतुकीवर कडक निर्बंध घालण्यात आले आहेत. गाझा शहरात सुमारे दोन लाख लोक राहतात आणि त्यांना या इस्रायली निर्बंधांमधून जावे लागते. 

इस्रायलच्या संरक्षण मंत्रालयाने एक निवेदन जारी करून म्हटले आहे की, 65 किमी लांबीचा 'अडथळा' दूर झाला आहे.

संरक्षण मंत्रालयाने सांगितले की, यात सेन्सर्ससह एक भूमिगत बॅरियर, 6-मीटर उंच स्मार्ट कुंपण, रडार, कॅमेरे आणि पाळत ठेवणारी यंत्रणा देखील समाविष्ट आहे. इस्रायलचे संरक्षण मंत्री बेनी गँट्झ म्हणाले की, ही रचना दक्षिण इस्रायलमधील लोक आणि हमास या दहशतवादी संघटना यांच्यात लोखंडी भिंत म्हणून काम करेल. खरे तर मे महिन्यात हमास आणि पॅलेस्टिनी सैनिकांमध्ये भीषण युद्ध झाले होते, त्यात हमासने इस्रायलवर हजारो रॉकेट हल्ले केले होते.

प्रत्युत्तर म्हणून इस्रायलनेही गाझा शहरावर शेकडो वेळा हवाई हल्ले केले. यात गाझा शहरातील 240 लोकांचा मृत्यू झाला. त्याच वेळी, इस्रायलमध्ये 11 दिवसांच्या लढाईत 12 लोक मारले गेले. इस्रायलने आपल्या नागरिकांना इशारा दिला की, हमास गाझामधून बोगद्यातून इस्रायलच्या हद्दीत घुसखोरी करू शकतो आणि हल्ले करू शकतो. गॅंट्झ म्हणाले की या अडथळ्यामुळे इस्रायली नागरिकांना सुरक्षिततेची भावना मिळेल. इस्रायलने वेस्ट बँक परिसरातही अशीच भिंत बांधली आहे.