या देशाने कोरोनावर तयार केली लस, माकडांवर यशस्वी चाचणीचा दावा

नवी दिल्ली : प्रथमच कोरोना विषाणूविरूद्ध तयार करण्यात आलेल्या लसने माकडांना कोरोना संक्रमणापासून वाचवले आहे. हे यश एका चीनी औषधी कंपनीने मिळवले आहे. कंपनीने रेसस मकाव माकडांना लस दिली. त्यानंतर, तपासात असे आढळले की या माकडांना कोरोना विषाणूचं संक्रमण झालं नाही. कंपनीने 16 एप्रिलपासून मानवांवर या लसची चाचणी सुरू केली आहे.

चीनची राजधानी बीजिंग येथील औषधनिर्माण कंपनी सिनोवॅक बायोटेक कंपनीने 8 माकडांना आपल्या नवीन लसीचे वेगवेगळे डोस देण्याचा दावा केला आहे. तीन आठवड्यांनंतर त्यांनी माकडांची पुन्हा तपासणी केली. तपासणीचे निकाल आश्चर्यचकित करणारे होते. कोरोना विषाणूची लस म्हणून ट्यूबद्वारे माकडांच्या फुफ्फुसात सोडण्यात आले. तीन आठवड्यांनंतर, तपासणीत असे दिसून आले की आठ माकडांपैकी कोणालाही कोरोना विषाणूची लागण झालेली नाही.

सिनोवॅकचे वरिष्ठ संचालक मेंग विनिंग म्हणाले की, ज्या माकडला सर्वाधिक डोस देण्यात आल्या त्या माकडात सात दिवसांनंतर त्याच्या फुफ्फुसात किंवा शरीरावर कोरोना विषाणूचा कोणताही परिणाम दिसला नाही.  काही माकडांमध्ये थोडा परिणाम दिसला परंतु त्यावर नियंत्रण ठेवण्यात यश आले.

सिनोवॅकने 19 एप्रिल रोजी माकडांच्या चाचणीनंतर बायोरेक्स वेबसाइटवर लस अहवाल प्रकाशित केला. माकडांवरील आश्चर्यकारक निकालानंतर मेंग विनिंग म्हणाले की आमचा विश्वास आहे की या लसीचा मानवांवरही चांगला परिणाम होईल.

मेंग विनिंग म्हणाले की, आम्ही लस विकसित करण्याची जुनी पद्धत अवलंबली आहे. प्रथम माकडाला कोरोनाव्हायरसने संक्रमित केले. त्यानंतर त्याच्या रक्ताने एक लस बनविली. त्याला दुसर्‍या माकडात ठेवलं. अशा प्रकारे, गरीब देशांना महागड्या लसांची गरज भासणार नाही. (फोटो: रॉयटर्स)

इकन स्कूल ऑफ मेडिसिनचे वायरोलॉजिस्ट फ्लोरियन क्रेमर य़ांनी म्हटलं की, "मुझे वॅक्सीन बनवण्याची ही पद्धत आवडते." ही जुनी आहे पण प्रभावशाली आहे. दुसरीकडे यूनिवर्सिटी ऑफ पिट्सबर्गचे डगलस रीड यांनी म्हटलं की, पद्धत चांगली होती पण माकडांची संख्या कमी होती. त्यामुळे मोठ्या प्रमाणात परिक्षण होत नाही तोपर्यंत यावर पूर्णपणे विश्वास ठेवता नाही येणार'

सिनोवॅकच्या शास्त्रज्ञांनी म्हटलं की, 'प्रश्न बरोबर आहेत, परंतु आम्ही लसी न दिलेल्या माकडांना देखील संक्रमित केले. त्यांच्या आत कोरोना विषाणूच्या संसर्गाची लक्षणे स्पष्ट दिसत होती.'