नोकिया-६ काही सेकंदात आऊट ऑफ स्टॉक, आता ३० ऑगस्टला विक्री

मुंबई : एचएमडी ग्लोबल कंपनीने आपला तगडा नोकिया-६ भारतात लॉन्च केलाय. याची विक्री आज दुपारी १२ वाजता सुरु झाली खरी मात्र काही सेकंदात हा फोन संपला. याची किंमत १४,९९९ रुपये आहे.

अॅमेझॉनवर नोकिया-६ ऑनलाईन उपलब्ध झाल्या झाल्या तो आऊट ऑफ स्टॉक झाला. जवळपास १० लाख लोकांनी या फोनसाठी नोंदणी केल्याचे सांगण्यात येत आहे. आधी १० ऑगस्टपर्यंत नोंदणी करण्याची मुदत होती. ही मुदत वाढवून ती २१ ऑगस्टपर्यंत करण्यात आली होती.

नोकिया-६  हा  फोन पहिल्याच दिवशी विकला केला. त्यामुळे आता कंपनीने ३० ऑगस्ट २०१७ला पुन्हा विक्री सुरु करणार आहे. तसे कंपनीने जाहीर केलेय.

हा फोन घेणाऱ्यांना खास ऑफर देण्यात आली आहे. प्राईम सदस्यांसाठी ही ऑफर आहे. अॅमेझॉन पेवर १००० रुपये कॅशबॅक आहे. तसेच या फोनसोबत व्होडाफोन कार्ड घेतल्यास ४५ जीबी डेटा आणि पाच महिन्यांच्या कालावधीसाठी २५०० रुपयांची सूट आहे.

नोकिया-६ मॅट ब्लॅक आणि सिल्वर रंगात उपलब्ध आहे. हा स्मार्टफोन ५.५ इंच असून फूल एचडी डिसप्ले  आहे. २.५ डी कॉर्निंग गोरिल्ला ग्लास असून यात क्लालकॉम स्नेपड्रगर ४३० ओक्टाकोर चिपसेट आहे. हा फोन ३ जीबी रॅम असून ३२ जीबी इंटरनल स्टोरेज आहे. तसेच २५६ जीबीपर्यंत मायक्रोएसडी कार्डने मेमरी वाढवता येऊ शकते.

या फोनमध्ये सेल्फीसाठी फ्रंट ८ मेगापिक्सेल आणि रिअर कॅमेरा १६ मेगापिक्सेल आहे. या फोनची बॅटरी क्षमता ३,००० एमएएच आहे. या स्मार्टफोन एंड्राइड नॉगटवर आधारित आहे. नोकिया ६मध्ये कनेक्टिव्हीटीसाठी फिंगरप्रिंट सेंसर, वाय-फाय, ब्लूटूथ आणि यूएसबी टाईप सी-पोर्ट देण्यात आलाय.

भारतात नोकिया -३ , नोकिया -५ आणि नोकिया -६ लॉन्च केलाय. नोकिया -३ आणि नोकिया -५ आणि नोकिया -६ अनुक्रमे ९,४९९ रुपये, १२,८९९ रुपये आणि १४,९९९ रुपये अशी किंमत आहे.