World Cup 2019 : धोनीचा 'तो' धडाकेबाज षटकार पाहून कोहलीही अवाक्....
कोहलीच्या चेहऱ्यावरील भाव एकदा पाहाच....
)
लंडन : रविवारी पार पडलेल्या क्रिकेट विश्वचषकाच्या ऑस्ट्रेलिया विरुद्ध भारत या संघांमधील सामन्यात भारतीय क्रिकेट संघाची दमदार कामगिरी पाहायला मिळाली. फलंदाजी आणि गोलंदाजी अशा दोन्ही बाबतीत या संघाची कामगिरी क्रिकेट विश्वाचं लक्ष वेधून गेली. या साऱ्यात विशेष चर्चिली ती म्हणजे संघातील फलंदाजांची फटकेबाजी. शिखर धवनच्या शतकी खेळीसोबतच विराटची फटकेबाजीसुद्धा गाजली. यात धोनीची १४ चेंडूंमधील २७ धावांची खेळीही महत्त्वाची ठरली.
ऑस्ट्रेलिया संघापुढे ३५२ धावांचा डोंगर उभा करणाऱ्या भारतीय क्रिकेट संघात महेंद्रसिंह धोनी याने २७ धावांचं योगदान दिलं. धोनीचं नुसतं मैदानात येणंच क्रीडारसिकांसाठी अतीव महत्त्वाचं असतं. ऑस्ट्रेलियाविरुद्धच्या सामन्यातही हेच दृश्य पाहायला मिळालं. ज्यामध्ये धोनीचे काही तुफानी फटके पाहून कर्णधार विराट कोहलीही अवाक् झाला. 'हॅलिकॉप्टर शॉट'सारख्या किमया करणाऱ्या माहिने या सामन्यातही एक असा षटकार लगावला जो पाहता, विराटही स्वत:ची प्रतिक्रिया रोखू शकला नाही.
Dhoni's gigantic six into the stands
Stoinis' lightening-quick return catch
Kohli's graceful inside-out sixIt's a hard one, but you get to vote for your @Nissan Play of the Day!
What's your pick? Vote here https://t.co/7SsrSjNv2c pic.twitter.com/ULON1Rj1SI
— ICC (@ICC) June 9, 2019
४९ व्या षटकात ऑस्ट्रेलियाच्या संघाकडून गोलंदाजी करणाऱ्या मिशेल स्टार्क याने १४३ किमी प्रतितास वेगाने चेंडू धोनीच्या दिशेने टाकला. धोनीला बाद करण्याच्या हेतूने टाकण्यात आलेल्या या चेंडूला धोनीने मात्र डीप स्क्वेअर लेगच्या दिशेने जोरदार फटका मारत सामना पाहण्यासाठी आलेल्य़ा क्रीडारसिकांच्या दिशेने भिरकावला.
#INDvAUS @ICC @cricketworldcup what the hell is wrong with you guys. Your English world feed production is so bad. You guys missed showing this epic Kohli reaction. This was instead shown on the Star sports Hindi feed to Indian audiences. @SkyCricket @FoxCricket @StarSportsIndia pic.twitter.com/Ide0NFWIdq
— Suhas (@CricSuhas) June 9, 2019
धोनीने मारलेला षटकार आणि तो मारतानाचा त्याचा अंदाज पाहता विराटही काही क्षणांसाठी अवाक् झाल्याचं पाहायला मिळालं. त्याने याविषयी धोनीला शुभेच्छाही दिल्या. माहिचा हा षटकार पाहताच समालोचकांनीही अशा काही प्रतिक्रिया दिल्या जे पाहता, खरंच टीव्ही पाहणाऱ्या प्रेक्षकांमध्येही चर्चा होती ती म्हणजे फक्त आणि फक्त माहीचीच.