विराट-अनुष्का विवाहबंधनात, पाहा लग्न सोहळ्यातील काही खास फोटोज

नवी दिल्ली : टीम इंडियाचा कॅप्टन विराट कोहली आणि अभिनेत्री अनुष्का शर्मा अखेर लग्नबंधनात अडकले आहेत.

विराट-अनुष्का यांच्या लग्नासंदर्भात गेल्या अनेक दिवसांपासून विविध बातम्या प्रसिद्ध होत होत्या. मात्र, आता या सर्व चर्चांना पूर्णविराम मिळाला आहे. कारण,  इटलीमध्ये विराट आणि अनुष्का विवाहबद्ध झाले. यावेळी त्यांचे नातेवाईक आणि जवळचे मित्र उपस्थित होते.

विराट आणि अनुष्का या दोघांनीही ट्विटरवरून त्यांच्या लग्नाची अधिकृत घोषणा केली. यावेळी दोघांनीही ट्विटरवर आपले फोटोजही शेअर केले आहेत.

विराट आणि अनुष्काने सोशल मीडियात काही फोटोज शेअर केले आहेत. एका फोटोमध्ये विराट कोहली आपल्या नातेवाईकांसोबत आणि अनुष्कासोबत सेल्फी घेताना दिसत आहे.

एका फोटोत अनुष्का शर्मा विराट कोहलीला हार घालताना दिसत आहे. मात्र, त्याच दरम्यान विराटला त्याच्या मित्रांनी वर उचलल्याचं दिसत आहे.

विराट आणि अनुष्का हे इटलीहून थेट दक्षिण आफ्रिकेला जातील. त्या ठिकाणी आगामी काळात होणाऱ्या सीरिजसाठी विराट प्रॅक्टीस करणार आहे. तर, अनुष्का शर्मा विराट कोहलीसोबत नववर्ष सेलिब्रेट करणार आहे.

दरम्यान, विराट कोहली आणि अनुष्का शर्मा यांच्या विवाहानंतर दिल्ली आणि मुंबईत रिसेप्शन सोहळा आयोजित करण्यात येणार आहे.

२१ डिसेंबरला दिल्लीत तर २६ डिसेंबरला मुंबईत रिसेप्शन आयोजित करण्यात आले आहे. २१ तारखेचे दिल्लीतील रिसेप्शन हे त्यांच्या नातेवाईकांसाठी असणार आहे.

मुंबईत आयोजित २६ डिसेंबरचं रिसेप्शन हे क्रिकेटर्स आणि बॉलिवूड सेलिब्रेटींसाठी असणार आहे.

टीम इंडियाचा कॅप्टन विराट कोहली आणि अभिनेत्री अनुष्का शर्मा यांचं जवळपास चार वर्ष अफेअर सुरु होतं.